وحدت نیوز(کراچی)مجلس وحدت مسلمین کراچی ڈویژن کی شوریٰ نے کثرت رائے سے علامہ شیخ محمد صادق جعفری کو کراچی کا نیا صدر منتخب کرلیا۔ تفصیلات کے مطابق بارگاہ فاطمہ زہرا (س) انچولی کراچی میں منعقدہ تنظیم نو میں کراچی ڈویژن کے ضلعی صدور اور نمائندوں نے اپنا اپنا حق رائے دہی استعمال کیا۔ اس سے قبل ڈویژنل صدر کیلئے 3 ناموں کو پیش کیا گیا جن میں علامہ صادق جعفری، سید زین رضوی اور حسن رضا کے نام شامل تھے۔

بعدازاں رائے دہندگان نے اپنے ووٹ کے ذریعے علامہ صادق جعفری کو نیا صدر منتخب کیا۔ نومنتخب صدر کا اعلان علامہ ناصر عباس جعفری نے کیا جبکہ ناصر شیرازی نے حلف لیا۔ تنظیم نو کے موقع پر علامہ باقر زیدی، علامہ مختار امامی، علامہ علی انور جعفری، علامہ حیات عباس نجفی، علامہ ملک عباس، علامہ نشان حیدر ساجدی، چوہدری اظہر، ارشداللہ مکتبی، ظہیر حیدر زیدی سمیت دیگر رہنماؤں نے شرکت کی۔