وحدت نیوز(کراچی) مجلس علمائے شیعہ ضلع غربی کراچی کا اجلاس برائے تنظیم نو صوبائی صدر مولانا عبداللہ مطہری کی زیر صدارت منعقد ہوا جس میں ممبران نے کثرت رائے سے مولانا حمید حسین الحسینی پیش نماز مرکزی مسجد وامام بارگاہ حیدر کرارؑ اورنگی ٹاؤن کو صدر منتخب کرلیا ۔
اجلاس میں ایم ڈبلیوایم کراچی ڈویژن کے صدر وامام جمعہ جامع مسجد حیدری اورنگی ٹاؤن مولاناصادق جعفری سمیت علمائے کرام نے کثیر تعداد میں شرکت کی۔
اجلاس میں نائب صدر مولانا باقر صاحب، جنرل سیکریٹری مولانا عامرشیرازی صاحب، تبلیغات سیکریٹری مولانا ملازم حسین غدیری صاحب کو نامزد کیا گیا صوبائی صدر مولانا عبد اللہ مطہری نے نومنتخب اراکین سے حلف لیا۔