وحدت نیوز(نوشہروفیروز) مجلس وحدت مسلمین پاکستان یونٹ بھریا سٹی کی جانب سے جشن ولادت  امام حسن علیہ السلام عقیدت و احترام کے ساتھ امام بارگاہ معصومیہ میں منایا گیا جس میں ضلع سیکریٹری جنرل اعجاز علی ممنائی اور سیکریٹری میڈیا مشتاق حسین بلوچ نے خصوصی شرکت  کی اس موقۓ پر مولانا نثار احمد سمائل اور مولانا نثار دھاریجو نے خطاب کرتے ہوۓ کہا کہ امام حسن (ع ) نے اپنے جد امجد کی سیرت پر عمل پیرا ہو کر امن و محبت کا درس دیا۔ اسلام کی تاریخ میں صلح امام حسن (ع) ایک عظیم معاہدہ ہے جس نے حق و باطل کے درمیان حد فاصل کھینچ دی ۔انہوں نے کہا کہ جس طرح نبی کریم  ص کے صلح حدیبیہ نے ملت اسلامیہ  کو بچایا اورمنافق لوگوں نے نبوت پر شک کیا اس طرح امام حسن ع کے صلح نے بھی ملت کو خون خرابے سے بچایا اور وہ ہی منافق امامت پر شک کرنے لگے پس  امام حسن (ع) کی زندگی ہمارے لئے مشعل راہ ہے جس پر عمل پیرا ہو کر ہم معاشرہ میں امن و سلامتی کو فروغ دے سکتے ہیں۔