وحدت نیوز (جیکب آباد) مولا علی ؑ کی ولادت باسعادت کے سلسلے میں مجلس وحدت مسلمین ضلع جیکب آبادکی جانب سے مختلف پروگرام منعقد کیے گئے اور ڈی سی چوک پر پانی کی سبیل لگائی گئی مجلس وحدت مسلمین کی جانب سے حویلی سید شیر شاہ بخار ی اور کربلا معلی امام بارگاہ سے عظمت امامت ریلی نکالی گئی ریلی ڈی سی چوک پر پہنچی ریلی کے شرکاء سے حسن رضا غدیر ،شاہد حسین جوادی ،سید مظہر علی شاہ،سید احسان علی شاہ ودیگر نے خطاب کرتے ہوئے کہا کہ حضرت علیؑ کی شخصیت پوری انسانیت کے لیے مشعل ہدایت ہے اور تمام مکتبہ فکر کے درمیان اہمیت کی حامل ہے انہوں نے کہا کہ شیر خدا مولا علی ؑ کی زندگی امت مسلمہ کے لیے مشعل راہ ہے، دشمنان دین سے مقابلے کے لئے شجاعت علی ؑ کو نمونہ عمل بنانا ہو گا۔