وحدت نیوز(کراچی) مجلس وحدت مسلمین صوبہ سندھ کے ڈپٹی سیکریٹری جنرل علامہ سید صادق رضا تقوی نے جعفریہ الائنس پاکستان کے سربراہ علامہ عباس کمیلی سے اُن کی شریکہ حیات کے انتقال پر تعزیت کا اظہار کیا ہےاور مرحومہ کی مغفرت کے ساتھ اہل خانہ خصوصاً علامہ عباس کمیلی کیلئے صبر جمیل کی دعا کی ہے۔علامہ عباس کمیلی کی اہلیہ محترمہ گذشتہ کافی عرصے سے علیل تھیں جو کہ آج صبح رضائے الہٰی سے انتقال کرگئیں، علامہ صادق رضا تقوی جو ڈاکٹروں کے مشورے پر بیڈ ریسٹ پر ہیں انہوں نے علامہ عباس کمیلی سے ٹیلی فون پر ان کی اہلیہ کی رحلت پر اظہار افسوس کیاہے۔