وحدت نیوز(میرپوربٹھورو) وحدت اسکاؤٹس کی طرف سے مرکزی امام بارگاہ میں میٹینگ کی گئی جس میں توفیق احمد دایو ڈسٹرکٹ ٹھٹہ/سجاول کے اسکاؤٹ لیڈر  اور حسن علی ڈپٹی اسکاؤٹ لیڈر منتخب ہوئے صوبہ سندھ کے چیف اسکاؤٹ آصف علی شھیدی، ناطق نوری اور ایم ڈبلیوایم ٹھٹہ/سجاول کے سیکریٹری جنرل مختیار دایو نے شرکت کی، اس موقع پر گفتگو کرتے ہوئے مختار دایو کا کہنا تھا کہ ایام عزا نذدیک ہیں ، ہمیں اپنے امور کو منظم کرنا ہوگا، سکیورٹی خدشات کے پیش نظر اپنی مساجد امام بارگاہوں کی نگرانی کے لئے موثرانتظامات بروئے کار لانے ہوں گے، انہوں نے گذشتہ برس سجاول میں مجلس عزا پر ہونے والے تکفیریوں کے حملے کی جانب اشارہ کرتے ہوئے کہا کہ ہمیں اس مرتبہ ایسے اقدامات سے بچاوکا اہتمام کرنا ہوگا۔