وحدت نیوز (کراچی) پاکستان میں ایک ہی دہشتگرد گروہ شیعہ سنی مسلمانوں کے قتل عام میں ملوث ہے، شہر قائد میں دوبارہ سے شیعہ افراد کی قتل و غارت گری کا آغاز ہوگیا ہے، کراچی میں قمر سجاد کی شہادت کی پر زور مذمت کرتے ہیں، حکومت جلد از جلد قاتلوں کو گرفتار کر کے نشانِ عبرت بنائے۔ان خیالات کا اظہارمجلس وحدت مسلمین پاکستان صوبہ سندھ کے ڈپٹی سیکرٹری جنرل عالم کربلائی نے وحدت ہاؤس کراچی سے جاری اپنے مذمتی بیان میں کیا۔ان کا کہنا تھا کہ وفاقی اور صوبائی حکومت کھل کر بتادے کہ کراچی میں قیام امن اس کے بس کی بات نہیں تو پھر ہم قیام امن اور دہشتگرد عناصر کی سر کوبی کے لئے وہی طریقہ استعمال کر نے کو تیارہیں جو بلوچستان حکومت کے لئے احتیار کیاگیاتھا۔سانحہ بکھر اور کراچی میں روزانہ کی بنیادوں پر ہونے والی ٹارگٹ کلنگ کا ٹھیکہ کسی اور کے پاس نہیں بلکہ ایک ہیکالعدم گروہ کے پاس ہے،جو کہ پنجاب اور کراچی میں دوعلیحدہ ناموں سے دہشتگرددی میں ملوث ہیں، حکومت قاتلو ں ، دہشتگردوں اور ملک دشمن عناصر کے ساتھ آنکھ مچولی کھیل رہی ہے،کالعدم جماعتوں کے کارندے اور سرپرست کھلے عام مظلوم مکتب تشیع کو اپنی بربریت کا نشانہ بنا رہا ہے ،فقط نشانہ ہی نہیں بنا رہا بلکہ ا علانیہ دہشتگردی میں ملوث ہیں، ان کالعدم گروہوں کے سرپرست سر عام جلسوں ، جلوسوں اور میڈیا کے سامنے شیعہ مکتب کے پیروکاروں کے قتل کی واضح ذمہ داریاں قبول کرتے ہیں۔مگر افسوس قانون نافذ کر نے والے ادارے اور پاکستان کی آزاد عدالت عالیہ ان تمام باتوں اور حقائق کو جانتے ہوئے بھی کوئی قانونی کردار ادا نہیں کر رہے۔ ان کا کہنا تھا کہ کراچی اور بکھر میں ایک ہی دہشتگرد گروہ شیعہ سنی مسلمانوں کے قتل عام میں ملو