وحدت نیوز(گلگت) مجلس وحدت مسلمین کے رہنماو سابق ممبر گلگت بلتستان اسمبلی ڈاکٹر حاجی رضوان علی کا صدر مملکت ڈاکٹر عارف علوی سے ٹیلی فونک رابطہ ، ڈاکٹر رضوان نے صدر مملکت سے نگر کے دورے کےموقع پر عوام سے کیئے گئے وعدے پر عمل کرتے ہوئے شاہراہ نگر کو پی ایس ڈی پی میں شامل کرانے پر ان کا شکریہ اور اہلیان نگر کی درینہ مطالبہ حل کرانے پر خراج تحسین پیش کیا۔

صدر مملکت نے بات چیت کرتے ہوئے کہا کہ ہماری حکومت صرف زبانی وعدوں پر یقین نہیں رکھتی، انھوں مزید کہا کہ اس شاہراہ کو پی ایس ڈی پی میں شامل کرنے کے لیے گزشتہ برس ہی احکامات جاری کیے تھے تاہم کرونا وباء کی وجہ سے تاخیر کا شکار ہوا تھا۔

 مزید انھوں نے کہا کہ اس شاہراہ کی تعمیر سے سیاحتی شعبے میں روزگار مواقع فراہم ہونگے۔آخر میں انھوں نے اس پراجیکٹ کو جلد از جلد مکمل کرنے یقین دہانی بھی کروائی۔