وحدت نیوز(سکردو)مجلس وحدت مسلمین گلگت بلتستان کے سیکرٹری جنرل سید علی رضوی نے کہا ہے کہ ملک میں امریکی اجارہ داری ہرگز قبول نہیں، جو لوگ امریکی خوشنودی کیلئے ملک کا سودا کرنے کی کوشش کر رہے ہیں تاریخ ان کو معاف نہیں کریگی۔

ایک بیان میں ایم ڈبلیو ایم کے صوبائی سیکریٹری جنرل کا کہنا تھا کہ حد تو یہ ہے کہ ملک میں اکثریت امریکی اشاروں پر چل رہی ہے۔ ہم رہبر بت شکن حضرت امام خمینی کے حکم پر چلتے ہوئے پچھلے سال کی طرح اس سال بھی بھرپور طریقے سے یوم القدس کو منائیں گے۔ پورے پاکستان کی طرح پورے گلگت بلتستان میں بھی ریلیاں اور جلسے جلوس کا انعقاد کرینگے۔ کارکنان ابھی سے تیاری شروع کریں اور امریکہ نواز سیاستدانوں کو یہ باور کرائیں کہ امریکہ کبھی بھی ہمارا دوست نہیں ہو سکتا۔