وحدت نیوز(سکردو) صوبائی سیکرٹری جنرل مجلس وحدت مسلمین شعبہ خواتین و پارلیمانی سیکرٹری برائے ترقی نسواں گلگت بلتستان محترمہ کنیز فاطمہ علی نے ایم ڈبلیوایم رہنما الحاج محمد علی کے ہمراہ مجلس وحدت مسلمین بلتستان کے زیر اہتمام چلنے والے دارالشفاء حضرت عباس ہسپتال سکردو کا تفصیلی دورہ کیا۔
اس موقع پر ہسپتال کے ایڈمنسٹریٹر عقیل احمد نے ہسپتال میں موجود سہولیات اور اب تک کی کارکردگی کے حوالے سے تفصیلی بریفننگ دی۔رکن اسمبلی نے اپنے دورے کے موقع پر ہسپتال میں موجود مریضوں کی عیادت کی اور لیبارٹری سمیت مختلف بلاک کا دورہ کیا اور ہسپتال انتظامیہ کی جانب سے جو سہولیات دی جا رہی ہے اسکو خوب سراہا۔
اس موقع پر انہوں نے کہا کہ مجلس وحدت مسلمین کی جانب سے مریضوں کو دارالشفاء حضرت عباس ہسپتال میں جو سہولیات دی جا رہی ہے وہ قابل تحسین ہے۔بعد ازاں پارلیمانی سیکرٹری برائے ترقی نسواں کنیز فاطمہ علی نے ہسپتال انتظامیہ سے ہسپتال میں موجود مسائل کے حل کی یقین دھانی کرائی۔