وحدت نیوز (بھکر) مجلس وحدت مسلمین ضلع بھکر کا پیام وحدت کنونشن برائے انتخاب ضلعی سیکریٹری جنرل سال 19-2016،مرکزی امام بارگاہ میں منعقد ہوا، اجلاس کی صدارت ایم ڈبلیوایم صوبہ جنوبی پنجاب کے سیکریٹری جنرل علامہ سید اقتدار حسین نقوی نے کی جبکہ صوبائی سیکریٹری امور تنظیم سازی سلیم صدیقی سمیت اراکین ضلعی شوریٰ اجلاس میں شریک تھے، اراکین شوریٰ نے حق رائے استعمال کرتے ہوئےآئندہ تین سال کیلئے سفیر عباس شہانی ایڈووکیٹ کو ایم ڈبلیوایم ضلع بھکر کا سیکریٹری جنرل منتخب کرلیا، صوبائی سیکریٹری جنرل علامہ اقتدار نقوی نے نومنتخب ضلعی سیکریٹری جنرل سے ان کے عہدے کا حلف لیا۔