وحدت نیوز(اسلام آباد) مجلس وحدت مسلمین پاکستان کے سربراہ علامہ راجہ ناصرعباس جعفری نے محرم الحرام کے حوالے سے مرکزی کابینہ اور بین الصوبائی سیکریٹریز کا اجلاس جمعہ کو مرکزی سیکریٹریٹ اسلام آباد میں طلب کرلیا۔ اجلاس میں آمدہ محرم الحرام،علمائے کرام اور ذاکرین پر عائد پابندیوں،علمائے کرام کے اکائونٹس فریز کرنے،عزاداروں پر بنائے گئے بے بنیاد کیسز کے حوالے سے فیصلہ جات کیے جائیں گے، اجلاس میں مجلس وحدت مسلمین کی مرکزی کابینہ،پنجاب،جنوبی پنجاب،سندھ،بلوچستان،خیبرپختونخواہ،گلگت بلتستان اور آزادکشمیر کے سیکرٹری جنرل شرکت کریں گے۔