وحدت نیوز (اسلام آباد) مجلس وحدت مسلمین کے مرکزی رہنماوں علامہ راجہ ناصر عباس جعفری،علامہ حسن ظفر نقوی،علامہ احمداقبال رضوی اور ناصر شیرازی نے پیپلز پارٹی کے مرکزی رہنما جہانگیر بدر کی وفات پر افسوس کا اظہار کرتے ہوئے کہا ہے کہ مرحوم ایک مدبر اور ذہین سیاست دان تھے۔آپ کی ساری زندگی جمہوریت کی پاسداری میں گزری۔ضیائی آمریت کے خلاف ان کی بے خوف جدوجہد کو ہمیشہ یاد رکھا جائے گا۔انہوں نے مرحوم کی بلندی درجات اور پسماندگان کے لیے صبر کی دعا کی ہے۔