وحدت نیوز (لاہور) مجلس وحدت مسلمین پاکستان صوبہ پنجاب کے صوبائی سیکرٹریٹ واقع شادمان لاہور میں عید مباہلہ کی مناسبت سے جشن کا اہتمام کیا گیا جس میں وحدت یوتھ کے برادران کے علاوہ صوبائی سیکرٹریٹ کے اسٹاف نے شرکت کی ۔
تلاوت قرآن پاک کی سعادت مولانا سید شمس الحسن نے حاصل کی جبکہ برادر نصر عباس اور برادر حمادرضا نے اہل بیت علیہم السلام کی شان میں اپنا اپنا کلام سنایا ۔ مولانا ظہیر کربلائی اور علامہ سید علی اکبر کاظمی صوبائی صدر مجلس وحدت مسلمین پاکستان صوبہ پنجاب نے خطاب کیا ۔آخر میں کاروان بہشت لاہور کی جانب سے عید مباہلہ کا کیک کاٹا گیا ۔