وحدت نیوز(راولپنڈی) راولپنڈی کے علاقہ صادق آباد سے پنجاب پولیس نے گلگت کے تین شیعہ طلباء کو گرفتار کر لیا۔ گرفتار ہونے والوں میں طالبعلم اظہر عباس، ناصر حسین اور انتظار حسین شامل ہیں ، طلباء کے قریبی ذرائع کا کہنا ہے کہ پنجاب پولیس نے گلگت سے تعلق رکھنے والے ان طلباء کو جھوٹے مقدمے میں اٹھایا ہے۔ مزید بتایا گیا ہے کہ گرفتار ہونے والے طلباء میں مجلس وحدت مسلمین گلگت کے رہنما شیخ نیئر عباس مصطفوی  کے بیٹےاظہر عباس اور بھانجے ناصر حسین اور انتظار حسین شامل ہیں۔ یاد رہے کہ حالیہ دنوں ایم ڈبلیو ایم کے کارکنان کے ساتھ ساتھ مرکزی سیکرٹری جنرل ایم ڈبلیو ایم کے محافظ اور ڈرائیور کو بھی گرفتار کیا گیا ہے۔