وحدت نیوز(گلگت) گلگت بلتستان میں غیرقانونی ٹیکسز کے نفاذکے خلاف عوامی ایکشن کمیٹی کے احتجاجی جلسے سے مجلس وحدت مسلمین گلگت بلتستان کے سیکرٹری سیاسیات برادر غلام عباس نے خطاب کرتے ہوئے کہاہے کہ مسلم لیگ ن کی جی بی حکومت کی ایک سالہ کارکردگی پی پی پی حکومت کی گذشتہ پانچ سالہ کارکردگی سے مختلف نہیں ، جی بی حکومت عوام کے مسائل کے حل میں یکسرناکام دکھائی دیتی ہے، سہولیات دینے کے بجائے غیر قانونی اور غیر آئینی ٹیکسز کا نفاذکرکے عوام سے جینے کا حق بھی چھینا جارہا ہے جو کہ ناقابل برداشت ہے، انہوں نے کہا کہ صوبائی حکومت ہوش کے ناخن لے اور اس دن سے ڈرے کے جب پورا گلگت بلتستان ان کے عوام دشمن اقدامات کے خلاف سڑکوں پر نکل آئے ۔