وحدت نیوز(جھنگ) مجلس وحدت مسلمین شعبہ خواتین کی مرکزی سیکرٹری تنظیم سازی محترمہ معصومہ نقوی نے اٹھارہ ہزاری ضلع جھنگ کے مقام پر مجلس عزا سے خطاب کیا۔ اپنے بیان میں انھوں نے سیدة النساء العالمین جناب فاطمہ زھرا س کے مناقب و سیرت بیان کیے۔
انھوں نے کہا کہ سیدہ کائنات عورت کے ہر کردار میں بہترین نمونہ اور اسوہ کاملہ ہیں، انھوں نے کہاکہ دختر رسول ص مثالی ماں کے طور پر بچوں کی تربیت کے بہترین اصول متعارف کروارہی ہیں جن میں محبت سے بچوں کی شخصیت کو پروان چڑھانا ، دوسروں کے حقوق کی رعایت دینا، تقوی و پرھیزگاری ، ورزش و کھیل اور اعلیٰ محاسن اخلاق ان اعلی اقدار و اصول پر عمل پیرا ہوتے ہوئے ایک ماں معاشرے کو فلاح و معنوی ترقی پر استوار کر سکتی ہے،مجلس عزا میں مومنات کی کثیر تعداد نے شرکت کی۔