وحدت نیوز (پاراچنار) مجلس وحدت مسلمین پاکستان کے مرکزی سیکرٹری فلاح و بہبود نثار علی فیضی کا کہنا ہے کہ ایم ڈبلیو ایم شہید قائد کے افکار کو زندہ رکھنے کیلئے سرگرم ہے، آج بھی ہمارے مسائل کا حل شہید قائد کے مقدس لہو سے تجدید عہد میں مضمر ہے۔ ان خیالات کا اظہار انہوں نے پاراچنار میں شہید علامہ عارف حسین الحسینی کے مزار پر خطاب کرتے ہوئے کیا۔ ان کا کہنا تھا کہ ہمیں آج بھی پاکستان میں مظلومین کو حوصلہ دینے کیلئے سالار شہداء پاکستان علامہ سید عارف حسین الحسینی کے افکار سے معنوی طاقت حاصل کرنے کی ضرورت ہے، انہوں نے مزید کہا کہ 9 اگست کو اسلام آباد میں شہید قائد کی برسی شایان شان طریقہ سے منائیں گے، علاوہ ازیں انہوں نے پاراچنار میں مجلس وحدت مسلمین کے 5 یونٹس کے مسئولین کیساتھ ملاقاتیں بھی کیں۔