وحدت نیوز (کراچی) مجلس وحدت مسلمین سندھ ضلع بدین کے انٹرا پارٹی الیکشن میں مولانا بہادر علی میمن کودوبارہ آئندہ تین سال کیلئے نیا ضلعی سیکرٹری جنرل منتخب کرلیا گیا ہے۔ اس سلسلے میں ضلعی شوریٰ کا اہم اجلاس ضلعی دفتر میں منعقد ہوا۔ جس میں ضلعی کابینہ اور یونٹس کے اراکین نے شرکت کی۔
مجلس وحدت مسلمین سندھ کے سیکریٹری جنرل مولانا مختار احمد امامی اورصوبائی سیکریٹری امورتنظیم سازی یعقوب حسینی نے الیکشن کی نگرانی کی۔پہلے مرحلے کی رائے شماری کے بعد زہیر عباس حیدری، مولانا بہادر علی میمن کے نام سامنے آئے جب کے دوسرے اور حتمی انتخابی مرحلے کے بعدضلعی شوریٰ نے کثرت رائے سےمولانا بہادر علی میمن کو مجلس وحدت مسلمین ضلع بدین کا نیا میر کاررواں منتخب کرلیا۔
صوبائی سیکریٹری جنرل مولانا مختار امامی نے نومنتخب ضلعی سیکریٹری جنرل مولانا بہادر علی میمن سے ان کے عہدے کا حلف لیا۔