وحدت نیوز(نوشہروفیروز) مجلس وحدت مسلمین نوشہرو فیروز کے ضلعی سیکریٹری قانون امتیاز حسین میمن نے کہا ہے کہ آئین و قانون تمام پاکستانیوں کے لئے یکساں ہے، جس میں مذہب و مسلک ، رنگ و نسل کی کوئی تفریق نہیں ، لیکن ہمارے حکمرانوں نے قانون کو اپنے ذاتی مفادات کے حصول اور خواہشات نفسانی کی ےتکمیل کے لئے قانون میں بیجاتحریفات کیں اور آئین پاکستان اور قانون کی اصل صورت کو بگاڑ کر رکھ دیا، موجودہ دور میں تشدد کا بنیادی سبب عدم مساوات ہے، جہا ں غریب اور امیر کے لئے الگ الگ قانون ہو ، نظام تعلیم الگ ہو وہاں بدعنوانی ، کرپشن ، لوٹ مار، قتل و غارت گری عام ہو جاتی ہے اور معاشرتی تباہی کا سبب بنتی ہے۔