وحدت نیوز (کوئٹہ) مجلس وحدت مسلمین پاکستان کے مرکزی سیکریٹری جنرل حجتہ السلام و المسلمین علامہ راجہ ناصر عباس جعفری کی اپیل پر کوئٹہ میں بھی یوم ایفائے شہداء منایا گیا۔ اس موقع پر میکانگی روڑ امام بارگاہ کلان پر سانحہ ہزارہ ٹاؤن علی آباد کے خلاف احتجاجی مظاہرہ کیا گیا جس میں مومنین نے بڑی تعداد میں شرکت کی۔ مومنین سے رکن ضلعی شوریٰ علامہ ولایت حسین جعفری نے سانحہ علی آباد کو بھر پور الفاظ میں مذمت کرتے ہوئے کہا کہ حکومت دہشتگردوں اور اس دہشتگردی میں ملوث عناصر کو سخت سے سخت سزا دے۔ انہوں نے کہا کہ سنی اتحاد کونسل ے پچاس مفتیوں نے جو اجتماعی فتویٰ جاری کیا ہے ہم انکی حمایت کرتے ہیں، واقعاً انہوں نے اسلامی و دینی فریضہ انجام دیا ہے۔ انہوں نے مزید کہا کہ حکومت کی غلط پالیسی کی وجہ سے یہ عوام بے گنا ہ قتل ہو رہے ہیں اور حکومت کو چاہیئے کہ سب سے پہلے عوام کی جان و مال کی تحفظ دیا جائے۔ آخر میں علامہ جمعہ خان جعفری نے بھی شرکاء سے مختصراً خطاب کیا۔