وحدت نیوز (کوئٹہ) سانحہ ہزارہ ٹاؤن کے خلاف منعقدہ احتجاجی جلسہ عام سے خطاب کرتے ہوئے مجلس وحدت مسلمین پاکستان صوبہ بلوچستان کے سیکریٹری جنرل علامہ مقصود علی ڈومکی نے کہا ہے کہ حکومت اگر ہمارے 23 نکات پر عمل کرتی تو یہ سانحہ رونما نہ ہوتا، دہشت گردوں کے خلاف آپریشن کلین اپ کا فوراً آغاز کیا جائے، ریاستی ادارے اور حکومت 23 نکاتی معاہدے پر عمل درآمد کرتے ہوئے اس میں کوتاہی برتنے والے ذمہ داران کے خلاف کارروائی کرے۔ ایم ڈبلیو ایم پاکستان اور ملک بھر کے غیور عوام نے ہمیشہ کوئٹہ کے مظلومین کے حق میں آواز بلند کی ہے اور انشاء اللہ آئندہ بھی وطن عزیز کی عوام ملک بھر کے مظلومین کے حق کی آواز کو بلند کریں گے۔