وحدت نیوز(لاہور)لاہورقومی مرکز خواجگان شاہ جمال لاہور میں حجۃ الاسلام والمسلمین علامہ سید احمد اقبال رضوی وائس چیئرمین مجلس وحدت مسلمین پاکستان کی والدہ ماجدہ مرحومہ سیدہ ریحانہ انصار بنت سید اختر حُسین کےایصال ثواب کیلئے مجلس عزاء منعقد کی گئی جس میں لاہور کے تنظیمی برادران نے شرکت کی ۔ مجلس عزاء سے صوبائی صدر پنجاب جناب حجۃ الاسلام والمسلمین علامہ سید علی اکبر کاظمی نے خطاب کیا ۔ ذاکر اہلبیت ذوہیب رضا ،نجم عباس خان ،ودیگران نے اہلبیت علیہم السلام کی شان میں سوزوسلام پیش کیا اور منقبت خوانی کی ۔

مجلس ترحیم کے آخر میں نیاز (لنگر حسینیؑ)کا اہتمام کیا گیا تھا ۔ مجلس عزاء میں مومنین ومومنات کے علاوہ علماء کرام کی نے بھی شرکت کی ۔ مجلس عزاء کے آخر میں جناب حجۃ الاسلام والمسلمین علامہ سید حسن رضا ہمدانی مرکزی صدر ذاکرین خطباء ونگ نے مرحومہ کی بلندی درجات کے لئے دعائے مغفرت کرائی ۔