وحدت نیوز(آرٹیکل) ذی الحجہ شب شہادت صحابیِ رسول ﷺ حضرتِ جنابِ ابوذر غفاری علیہ السلام کی مناسبت سے آپ ع کو ظلم کے خلاف احتجاج پہ پہلے مدینہ سے شام پھر شام سے مدینہ بھیجا گیا اور آخر مدینہ سے بھی ربزہ کے گرم صحرا کی طرف شہر بدر کر دیا گیا اور اعلان کیا گیا کہ مدینہ سے کوئی بھی ابوذر غفاری ع کو الودع کہنے تک نہ نکلے مولا امیر ع گھر سے ابوذر ع سے الوداعی ملاقات کے لیے تشریف لائے۔
ابوذر نے ایک دفعہ بھی اپنی خدمات کا تذکرہ نہیں فرمایا اور مولا امیر ع سے ایک مٹھی جو تک طلب نہ کی کہ میں شہر بدر کر دیا گیا ہوں کیسے ربزہ کے صحرا میں گزر بسر کروں گا ایک اونٹ 2 بکریاں بیوی اور بیٹی کے ساتھ ربزہ کی طرف چل دیے اپنے ہاتھوں سے مٹی کا ایک کمرہ تعمیر کیا اور مسجد بنائی صحرا کی تپش اونٹ کو نگل گئی خشک زمین بکریاں کھا گئی اور بیوی أم زر بھی زندگی کو الوداع کہہ گئیں ۔
آخری وقت بھوک و پیاس سے نڈھال بیٹی کو ساتھ لے کر مدینہ کی طرف جاتے رستہ پہ بیٹھ گئے اور بیٹی سے فرمایا میں یہاں مر جاوں گا میری لاش پہ ہی بیٹھے رہنا ایک قافلہ گزرے گا تو اسے کہنا کہ یہ رسول اللہ ص کے صحابی ابوذر کی لاش ہے وہ میرا کفن دفن کر دیں گئے ابوذر ع کی کل اس وقت ضرورت زندگی فقط ایک چادر تھی مٹی کا برتن اور پاوں میں جوتے بھی نہیں تھے ۔
آج کا دن ابوذر ع عظیم جلیل القدر صحابی رسول اللہ ص کی شہادت تنہائی کا دن ہے رسول اللہ ص معصومین ع کی بارگاہ میں اظہار تسلیت کرتے ہیں۔
حضرت ابوذر غفاری راہ حق میں صبر واستقامت کا استعارہ ہے آپ نے ساری صعوبتیں برداشت کی مگر راہ ولایت و امامت سے ایک لحظہ بھی پیچھے نہیں ہٹے اور ہمیشہ حق اور صداقت کی ترجمانی کی ۔
پوری زندگی علی علیہ السلام کے عشق میں گزاری راہ علی علیہ السلام میں اونٹ بکری جو کہ اموال کا خلاصہ تھا اور اپنی شریک حیات کوبھی راہ اسلام میں فدا کیا۔
اور رہتی دنیا تک مکتب تشیع کا سرفخر سے بلند کیا۔
جھکانہیں،بھکانہیں سمجھوتہ نہیں کیا ہمیشہ حق کیساتھ رہے اور حق پر ہی جان نچھاور کی۔
