وحدت نیوز(یوکے) مجلس وحدت مسلمین یوکے کی جانب سے سویڈن میں قران کریم کی بے حرمتی کی شدید الفاظ میں مذمت کرتے ہوئے اپنے ایک بیان صدر ایم ڈبلیوایم یوکے مولانا ابرار حسینی نےکہا کہ حال ہی میں سویڈن میں قرآن کریم کی بے حرمتی ایک گھناؤنا جرم ہے جس کا مقصد مسلمان اقوام کو اشتعال دلوانا اور مغربی معاشرے میں مسلمانوں کے خلاف نفرت کا بیج بونا ہے-
انہوں نے کہا کہ اقوام عالم میں بالعموم اور اسلامی دنیا میں بالخصوص سب سے زیادہ قابل احترام اور مقدس کتاب قران کریم پر حملہ دراصل ازادی کے نام پر انسانیت پر حملہ ہے۔ آج اس عظیم اسمانی کتاب کی توہین پر دنیا پھر کے مسلمان سراپا احتجاج ہیں۔ہم اس پست ترین غیر اخلاقی حرکت کو ایک بڑا جرم قرار دیتے ہوئے تمام انسانی حقوق کے اداروں کو اس مذموم عمل کی شدید مذمت کرنے کی اپیل کرتے ہیں۔
جو آزادی کے نام پر کئی ملین انسانوں کے دلوں کو رنجیدہ خاطر کرکےایک بین الاقوامی جرم کا ارتکاب ہے جس پہ بین الاقوامی تنظیموں اور اقوام متحدہ اور دیگر ابراھیمی مذاہب کے علماء کرام کو نوٹس لینا چاہئیے- ہم آخر میں اس بدترین غیر انسانی حرکت کی شدید الفاظ میں مذمت کرتے ہیں اور ہم قران کریم سے عہد کرتے ہیں کہ ہم عظمت قران و اسلام کے لئے اپنی ہر شہ قربان کرنے کو تیار ہیں-
