وحدت نیوز(اسلام آباد) مجلس علماء مکتب اہلبیت پنجاب کا سرگودھا میں اجلاس مجلس عاملہ و دفاع ولایت کانفرنس زیر صدارت حجةالاسلام والمسلمین علامہ سید ثمر علی نقوی مرکزی مسئول تبلیغات و مولانا گلزار حسین فیاضی صدر مجلس علماء مکتب اہلبیت پنجاب منعقد ہوا جس میں صوبائی کابینہ کے عہدیداران و اضلاع کے صدور و جرنل سیکٹریز نے 2024 کی کارکردگی پیش کی اورآخر میں صدر مجلس علماء مکتب اہلبیت پنجاب مولانا گلزار حسین فیاضی صاحب نے آئیندہ کے 3 ماہ کا ایجنڈا پیش کیا۔

دفاع ولایت کانفرنس میں مرکزی رہنماء علامہ سید ثمر علی نقوی صاحب، مرکزی رہنماءعلامہ عیسی امینی صاحب، مرکزی رہنماء علامہ سید نعیم الحسن نقوی صاحب اور صدر مجلس علماء مکتب اہلبیت پنجاب جناب مولانا گلزار حسین فیاضی صاحب نے خصوصی خطاب کیا۔

دفاع ولایت کانفرنس میں علماء کرام کی کثیر تعداد نے شرکت کی، کانفرنس کے آخر میں ملک عزیز پاکستان کی سلامتی اور شہداء پاکستان و جملہ شہداء ملت اسلامیہ کی بلندی درجات کے  لے خصوصی دعا کی گئی۔