وحدت نیوز(ٹنڈو محمد خان) عالمی یوم القدس کے موقع پر فل_س_ط_ینی عوام سے اظہارِ یکجہتی کے لیے مجلس وحدت مسلمین اور امامیہ اسٹوڈنٹس آرگنائزیشن ضلع ٹنڈو محمد خان کی جانب سے عظیم الشان احتجاجی ریلی نکالی گئی، جو جامع مسجد علی سے شروع ہو کر پریس کلب پر اختتام پذیر ہوئی۔
ریلی کی قیادت ایم ڈبلیو ایم کے ضلعی صدر امجد حسین، ضلعی رہنما سجاد ڈومکی، محب علی بھٹو، ساجن مغل، اشرف خاصخیلی اور شفقت شاہ نے کی۔ اس موقع پر مجلس وحدت مسلمین پاکستان کے صوبائی رہنما محمود الحسن اور معروف علمائے کرام مولانا امیر حسین رحمانی، مولانا علی اصغر کربلائی، مولانا علی محمد مطہری اور مولانا ذوالقرنین حیدر اور امامیہ سابق اسداللہ رند نے خطاب کیا۔
مقررین نے ف_لس_ط_ینی عوام پر ا_س_رائ_یلی مظالم کی شدید مذمت کرتے ہوئے عالمی برادری سے مطالبہ کیا کہ وہ ظلم و جبر کے خاتمے اور مسئلہ ف_ل-سط_ین کے منصفانہ حل کے لیے عملی اقدامات کرے۔ انہوں نے کہا کہ یوم القدس صرف ف_لس_طی_نیوں کی آزادی کا دن نہیں بلکہ پوری امت مسلمہ کے اتحاد اور ظلم کے خلاف صدائے احتجاج کی علامت ہے۔
مقررین نے اقوامِ متحدہ اور عالمی طاقتوں پر زور دیا کہ وہ دوہرے معیارات ترک کرکے فل_س_ط_ینی عوام کو ان کا جائز حق دلانے میں موثر کردار ادا کریں۔
ریلی کے شرکاء نے ف_لس_طی_نی عوام سے اظہارِ یکجہتی کے طور پر بینرز اور پلے کارڈز اٹھا رکھے تھے جن پر "ف_لس_طی_ن کی آزادی تک جدوجہد جاری رہے گی" اور "القدس ہمارا ہے" جیسے نعرے درج تھے۔
یہ شاندار احتجاجی ریلی پُرامن طور پر اختتام پذیر ہوئی، جہاں شرکاء نے اس عزم کا اعادہ کیا کہ ف_لس_طی_نی عوام کے حقوق اور آزادی کی جدوجہد ہمیشہ جاری رہے گی۔
