وحدت نیوز(پاراچنار) مجلس وحدت مسلمین خیبر پختونخوا کے سیکرٹری جنرل علامہ وحید کاظمی نے پاراچنار کا دورہ کیا اور پاراچنار کے سپریم لیڈر علامہ فدا حسین مظاہری اور تحریک حسینی کے صدر علامہ عابد حسین سے ملاقاتیں کیں۔ مذہبی رہنماؤں کے درمیان قومی امور کوبھی زیر بحث لایا گیا۔علامہ فدا حسین مظاہری اور مولانا عابد حسین نے پاراچنار کے مسائل سے صوبائی سیکرٹری جنرل کو آگاہ کیا۔
بالشخیل کے تنازعات و تصادم اور دیگر مسائل پر بات چیت کرتے ہوئے رہنماوں کا کہنا تھا کہ حکومت نے اہلیان پاراچنار سے جانبدار رویہ اختیار کیا ہے پاڑہ چکمنی کی جانب سے فائرنگ کے باوجود ہمارے افراد پر ایف ائی آر درج کرنا تعصب اور انتقامی کاروائی کا منہ بولتا ثبوت ہے۔
انہوں نے کہا کہ زیادتی کو کسی صورت برداشت نہیں کیا جائے گا اورمخالفین کا ہر محاذ پر ڈٹ کر مقابلہ کریں گے۔ انہوں نے اس لڑائی کے نتیجے میں اپنی جانوں کا نذرانہ پیش کرنے والے شہداء کے لواحقین سے بھی ملاقاتیں کیں اوران کی بلندی درجات کے لئے دعا کی۔
علامہ وحید کاظمی نے سید اسدعلی کو دہشت گردوں کے ہاتھوں گرفتاری اور ان پروحشیانہ تشدد کی شدید الفاظ میںمذمت کی۔ یاد رہے اسد علی کو دہشت گردوں نے اغوا کر کے بدترین تشددد کا نشانہ بنایااور بعد میں فائرنگ کرکے شہید کر دیا۔ اس المناک واقعہ کی وڈیو بھی منظر عام پر اگئی ہے جس کے بعد مختلف تنظیموں کی طرف سے قاتلوں کی فوری گرفتاری کا مطالبہ کیا گیا ہے۔
