وحدت نیوز (پشاور) مجلس وحدت مسلمین خیبر پختونخوا کے سربراہ علامہ سید سبطین حسین الحسینی نے اسلام آباد میں پارا چنار سے تعلق رکھنے والے ممتاز عالم دین پیش نماز مرکزی جامعہ مسجد علامہ شیخ نوازعرفانی کے قتل کی شدید مذمت کرتے ہوئے کہا ہے کہ نواز حکومت اقتدار میں رہنے کا حق کھو چکی ہے، وحدت ہاوس پشاور سے جاری ایک مذمتی بیان میں ان کا کہنا تھا کہ شیخ نوازعرفانی کا قتل یہ ثابت کرتا ہے کہ ملک میں دہشتگرد جب چاہیں، جس کو چاہیں نشانہ بناسکتے ہیں، ملک میں جنگل کا قانون ہے، ان کا کہنا تھا کہ شیخ نواز عرفانی کی دینی خدمات بلخصوص پارا چنار کے عوام کیلئے کاوشیں ہمیشہ یار رکھی جائیں  گی۔