وحدت نیوز(بھلوال )مجلس وحدت مسلمین پاکستان، صوبہ شمالی پنجاب کی صوبائی آرگنائزر کمیٹی کے رکن، جناب حجت الاسلام والمسلمین مولانا استاد ذوالفقار اسدی نے ضلع سرگودھا کی تحصیل بھلوال کے فعال یونٹ 17 چک کا تنظیمی دورہ کیا۔

اس دورے کے دوران یونٹ صدر اور کابینہ کے اراکین سے تفصیلی ملاقات ہوئی، جس میں یونٹ کی تنظیمی فعالیت اور پیش رفت کا جائزہ لیا گیا۔ یونٹ 17 چک، بھلوال کی سطح پر ایک متحرک اور فعال یونٹ شمار ہوتا ہے، جو ایام عزاء اور اربعین حسینی کے موقع پر پیدل چلنے والے زائرین کو سہولیات فراہم کرنے میں نمایاں کردار ادا کرتا ہے۔

دورہ کے دوران جناب مولانا استاد ذوالفقار اسدی نے مجالس عزاء اور اربعین حسینی کے انتظامات کے حوالے سے خصوصی ہدایات بھی جاری کیں۔ انہوں نے یونٹ کی کارکردگی کو سراہا اور مزید بہتری کے لیے رہنمائی فراہم کی ۔

 جناب مولانا میثم رضا شاہ پور والے بھی صوبائی رکن کے  ہمراہ موجود تھے۔