وحدت نیوز(لیہ)مجلس وحدت مسلمین کے فلاحی شعبہ خیرالعمل فاونڈیشن کے زیر اہتمام پنجاب میں سیلاب متاثرین کے لئے لیہ میں امدادی و میڈیکل کیمپ لگا دیا گیا ہے
ہزار سے زائد متاثرین سیلاب کی مفت ٹریمنٹ،خیرالعمل فاونڈیشن کے رضاکار متاثرین سیلاب کے لئے ریسکیو سمیت دیگر امدادی کاموں میں دن رات مصروف،خیرالعمل فاوُنڈیشن پاکستان کے ایگزیکٹیو ممبر اور صوبہ پنجاب کے مسئول سید مسرت کاظمی کا کہنا تھا کہ سیلاب نے جنوبی پنجاب کو بری طرح متاثر کیا ہے حکومتی اقدامات نہ ہونے کے برابر ہیں محض فوٹوسیشن کے لئے حکومتی نمائندے آتے ہیں ،متاثرین کی بحالی اور امدادی کاموں میں کوئی دلچسپی نہیں لے رہا متاثرین سیلاب کھلے آسمان تلے گرمی اور حبس کی شدت میں زندگی گذارنے پر مجبور ہیں،وبائی امراض پھیل رہے ہیں ،محکمہ صحت نمائشی کیمپوں کے انعقاد کے سوا کوئی کام نہیں کر رہا،انہوں نے کہا کہ لیہ اب تک ہم نے ہزار سے زائد مریضوں کو مفت ادویات فراہم کی ہے،متاثرین سیلاب کے لئے خیرالعمل فاوُنڈیشن نے خشک راشن اور خیموں کا بھی اہتمام کیا جارہا ہے،انشااللہ ہماری کوشش ہے کہ پانی نکل جانے کے بعد بحالی کے کاموں میں بھی بڑھ چڑھ کر حصہ لیں گے،سید مسرت عباس کاظمی کا کہنا تھا کہ مخیر حضرات سیلاب سے متاثر ہمارے ہم وطنوں کی امداد کے لئے دل کھول کر حصہ ڈالیں،مجلس وحدت مسلمین کے ہر کارکن دکھ کی اس گھڑی میں اپنے بھائیوں کیساتھ ہیں،انشااللہ متاثرین کی مکمل بحالی تک ہم امدادی کاموں کو جاری رکھیں گے۔

وحدت نیوز (اسلام آباد) مجلس وحدت مسلمین کے مرکزی ڈپٹی جنرل سیکریٹری علامہ امین شہیدی نے یوم انہدام جنت البقیع کے موقع پر مرکزی میڈیا سیل سے جاری اپنے ایک بیان میں کہا ہے کہ جنت البقیع کے مقدسات کی مسماری امت مسلمہ کے ایمان کا اامتحان ہے۔ نوے سال قبل سعودی بادشاہ عبد العزیز السعود نے جنت البقیع میں خاتون جنت حضرت فاطمۃ الزہرا سلام اللہ علیہ سمیت امہات المومنینؓ اور صحابہ کرامؓ کی سینکڑوں قبروں کو بلڈوز کر کے توہین رسالت، توہین اہلبیت ؑ ،توہین ازواج رسول ﷺ اور توہین صحابہؓ کا کھلم کھلا ارتکاب کیا ہے۔ انہوں نے کہا شعائر اللہ کی حفاظت ہر مسلمان کا شرعی فریضہ ہے۔ آل سعود نے خاندان بنو امیہ سے اپنی نسبت ثابت کرنے کے لیے ہمیشہ اہلبیت علیہم السلام کے مقدسات کو نشانہ بنایا ۔ خاندان نبوت کی شان میں گستاخی کے لیے کبھی قلم کو اور کبھی جبر کے ہتھیار کو استعمال کیا گیا۔عالمی دہشت گرد تنظیم داعش بھی سعودیہ کی تقلید میں انبیا و صحابہ کرامؓ اور اہلبیت ؑ اطہار کی قبروں کو کھود کر ان کے اجساد مبارکہ کی توہین کو عین شریعت سمجھتے ہیں۔جس سے سعودی عرب اور داعش کے مشترکہ عزائم کی قلعی کھل کر سامنے آ جاتی ہے۔علامہ امین شہیدی نے اقوام متحدہ ،او آئی سی اور دیگر عالمی تنظیموں سمیت مسلمان حکمرانوں سے مطالبہ کیا کہ وہ سعودی حکومت پر زور دیں کہ جنت البقیع میں حضرت فاطمہ الزہراؑ کے روضہ مبارک سمیت اہلبیت ؑ ، ازواج رسول اللہ ﷺ  اور صحابہ کرام کی قبروں کو دوبارہ عالیشان انداز میں تعمیر کیا جائے تاکہ عالم اسلام کو درپیش اضطراب کا خاتمہ ہو ۔

وحدت نیوز (حیدرآباد) مجلس وحدت مسلمین ضلع حیدرآباد کے زیر اہتمام یوم انہدام جنت البقیع کی مناسبت سے صوبائی وحدت سیکرٹریٹ میں ایک سیمینار منعقدہوا جس سے بزرگ عالم دین اور رکن شوریٰ عالی علامہ حیدرعلی جوادی، ایم ڈبلیوایم سندھ کے صوبائی سیکریٹری جنرل علامہ مختارامامی اور ایم ڈبلیوایم ضلع حیدرآباد کے سیکریٹری جنرل علامہ امداد نسیمی نے  خطاب کیاجبکہ کارکنان کی بڑی تعداد نے  شرکت کی۔

وحدت نیوز (کراچی) مجلس وحدت مسلمین ضلع شرقی سچل گوٹھ یونٹ کی جانب سے بعد نماز جمعہ جامع مسجدحسینی ایوب گوٹھ سے احتجاجی ریلی نکالی گئی ریلی کی قیادت ایم ڈبلیوایم ضلع شرقی کے سیکریٹری جنرل زمان رضوی نے کی جبکہ ضلعی رہنمافدا حسین ، ناظم حسین سمیت شرکاء بڑی تعداد میں ماجود تھے، ریلی کے شرکاءسے خطاب کرتے ہوئے مولانا غلام قادر نے کہا کہ آل سعود نے جنت البقیع میں مدفون دختر رسول حضرت فاطمہ زہراسلام اللہ علیہا، امہات المومنین اور اصحاب رسول کے مزارات کو منہدم کرکےقلب پیغمبر کو رنجیدہ کیا ہے جس کی سزا دنیا اور آخرت دونوں جگہ آل سعود کا مقدر بنے گی۔

وحدت نیوز (کراچی/لاہور/راولپنڈی/بدین/ٹنڈومحمد خان) مجلس وحدت مسلمین کی جانب سے پندرہ شوال یوم انہدام جنت البقیع کے موقع پر ملک بھر میں یوم احتجاج منایا گیا، اس سلسلے میں احتجاجی ریلیاں نکالی گئی اور آل سعود کے ہاتھوں حضرت فاطمہ زہرا سلام اللہ علیہا سمیت دیگر مقدس ہستیوں کے مزارات کی بے حرمتی کے خلاف بھر پور احتجاج کیا گیا، بدین ، نوشہرو فیروز ، حیدرآباد، کراچی  ، جیکب آباد، لاہور، ملتان سمیت ملک کے مختلف شہروں میں عوام سراپا احتجاج نظرآئے، لاہور میں مرکزی ریلی سے ایم ڈبلیوایم کے رہنما اسد عباس نقوی جبکہ راولپنڈی کی مرکزی ریلی میں ایم ڈبلیوایم کے رہنما مولانا ساجدحسین شیرازی نے خطاب کیا، کراچی ضلعی شرقی کے تحت بعد نماز جمعہ جامع مسجد حسینی سچل گوٹھ سے ضلعی سیکریٹری جنرل زمان رضوی کی زیر صدارت ریلی نکالی گئی، جبکہ مولانا غلام قادر نے شرکاء سے خطاب کیا، بدین میں وحدت یوتھ کے زیر اہتمام ضلعی سیکریٹری جنرل مولانا نادرشاہ کی زیر قیادت نکالی جانے والی ریلی پریس کلب کے سامنے اختتام پزیر ہوئی جبکہ ٹنڈو محمد خان میں ضلعی سیکریٹری جنرل محب علی بھٹو کی زیر قیادت احتجاجی ریلی نکالی گئی۔

وحدت نیوز (نوشہروفیروز) مجلس وحدت مسلمین پاکستان ضلع نوشہرو فیروز کی جانب سے وحدت ہاؤس سی پریس کلب تک ریلی نکالی گئی اس موقعہ پر ضلعی سیکریٹری جنرل اعجاز علی ممنائی مولانا اطہر علی مطہری اور دیگر نے خطاب کرتے ہوۓ کہا کہ جنت البقیع وہ قبرستان ہے کہ جس میں رسول اکرم (ص) کے اجداد ،اہل بیت (ع) ، اُمّہات المومنین، جلیل القدر اصحاب، تابعین اوردوسرے اہم افراد کی قبور ہیں کہ جنہیں 90 سال قبل آل سعود نے منہدم کر دیا کہ اُن میں سے تو اکثر قبور کی پہچان اور اُن کے صحیح مقام کی شناخت ممکن نہیں یہ روحانی اور معنوی سرمایہ اور آثار قدیمہ سے تعلق رکھنے والے اِس عظیم نوعیت کے قبرستان کی کہ جس کی فضیلت میں روایات موجو دہیں ٨/ شوال تایخ جہان اسلام کا وہ غم انگیز دن ہے کہ جب چھیاسی سال قبل ١٣٤٤ ہجری کو وہابی فرقے سے تعلق رکھنے والے افراد نے جنت البقیع کے تاریخی قبرستان کومنہدم و مسمارکر دیا تھا۔یہ دن تاریخ اسلام میں ''یوم انہدام ''کے نام سے معروف ہے ،یعنی وہ دن کہ جب بقیع نامی تاریخی اور اسلامی شخصیات کے مدفن اور مزاروں کو ڈھا کر اُسے خا ک میں ملا دیا۔