اسکردو (وحدت نیوز) سابق سیکرٹری جنرل مجلس وحدت مسلمین پاکستان بلتستان ڈویژن علامہ شیخ حافظ حسین نوری کی پہلی برسی کے موقع پر گنگچھے خپلو میں مجلس ترحیم کا انعقاد ہوا۔ جس میں خپلو بھر سے علمائے کرام اور عوام کی کثیر تعداد نے شرکت کی۔ مرکزی امام بارگاہ خپلو ڈینس میں بھی شیخ حافظ حسین نوری کی برسی  کے موقع پر قرآن خوانی کی گئی۔ اس موقع پر امام جمعہ خپلو شیخ سجاد حسین مفتی کی سربراہی میں جوانوں نے سینو جا کر شیخ حافظ حسین نوری مرحوم کی قبر پر حاضری دی اور ان کے ایصال ثواب کیلئے فاتحہ خوانی کی۔ خپلو مرکزی امام بارگاہ میں منعقدہ مجلس ترحیم سے خطاب کرتے ہوئے مقررین نے شیخ حافظ حسین نوری مرحوم کی دینی اور ملّی خدمات پر انہیں خراج تحسین پیش کیا۔ مقررین نے مجلس ترحیم سے خطاب کرتے ہوئے کہا کہ مرحوم ہمہ گیر شخصیت کے مالک تھے، ہم نے ان کی شخصیت کو پہچاننے میں بہت دیر کی، اور ہم ان کی علمی و عرفانی ہستی سے خاطر خواہ استفادہ نہ کر سکے۔

وحدت نیوز(بہاولپور)  ایم ڈبلیو ایم کے مرکزی سیکرٹری سیاسیات سید ناصر عباس شیرازی نے کہا ہے کہ ہمیں اپنے شہداء پر فخر ہے کہ جنہوں نے اپنی جانوں کے نذرانے دیکر قوم کو حیات بخشی ہے۔ ان خیالات کا اظہار اُنہوں آئی ایس او پاکستان بہاولپور کے 33 ویں سالانہ ڈویژنل کنونشن میں شب شہداء کی محفل سے خطاب کرتے ہوئے کیا۔ سید ناصر عباس شیرازی کا مزید کہنا تھا کہ شہداء قوموں کی حیات کا باعث ہیں، جو قومیں اپنے شہداء کو فراموش کر دیتی ہیں وہ قومیں بہت جلد صفحہ ہستی سے مٹ جاتی ہیں اور اُن قوموں کو باقی رہنے کا کوئی حق نہیں۔ اُنہوں نے کہا کہ شہید کسی بھی قوم کے لیے باعث فخر ہوتے ہیں۔ ملت جعفریہ کے شہداء ہماری محافل کی زینت ہوتے ہیں۔ اُنہوں نے کہا کہ امامیہ اسٹوڈنٹس آرگنائزیشن پاکستان کو یہ اعزاز حاصل ہے کہ وہ اپنے سالانہ کنونشنز میں شہداء ملت جعفریہ اور بالخصوص شہداء امامیہ کی یاد تازہ کرتی ہے۔

وحدت نیوز (اسکردو) قائد وحدت علامہ راجہ ناصر عباس جعفری کی اپیل پر مجلس وحدت مسلمین پاکستان بلتستان ڈویژن کے زیر اہتمام شہدائے سانحہ کوئٹہ کو خراج تحسین پیش کرنے اور ان سے ایفائے عہد کے لیے ذکر شہدائے کی محفل علمدار چوک اسکردو پر سجائی گئی۔ محفل ذکر شہداء میں شہدائے کوئٹہ اور شہدائے ملت تشیع کی تصویریں سجائی گئی اور شمعیں روشن کی گئی۔ محفل سے خطاب کرتے ہوئے سیکرٹری جنرل مجلس وحدت مسلمین علامہ آغا علی رضوی نے کہا کہ گذشہ دنوں شگر میں اسم حسین (ع) کو شہید کرنے کی کوشش سے ثابت ہو رہا ہے بلتستان میں بھی دہشت گردوں کی فعالیت ہے اور اسکردو انتظامیہ اس معاملے کو سنجیدگی سے نہیں لے رہی ہے اگر مجرمین کو قرار واقعی سزا نہیں دی گئی تو بلتستان بھر میں احتجاج کا سلسلہ شروع کیا جائے گا۔ محفل ذکر شہداء میں پاکستان کے معروف نوحہ خواں عرفان حیدر اور علی حیدر نے بھی شرکت کی اور نوحہ خوانی کی۔