وحدت نیوز(مظفرآباد) سیکرٹری جنرل مجلس وحدت مسلمین آزاد کشمیر علامہ سید تصور حسین نقوی کی زیر صدارت وحدت سیکرٹریٹ مظفرآباد میں ہنگامی اجلاس منعقد ہوا، جس میں ڈپٹی سیکرٹری جنرل آغا سید طالب حسین ہمدانی، سیکرٹری تنظیم سازی سید فدا حسین نقوی، چیئرمین المجلس ڈیزاسٹر مینجمنٹ سیل سید رضی عباس سبزواری اور سیکرٹری روابط سید عامر علی نقوی شریک ہوئے۔ اجلاس میں موجودہ صورتحال کے حوالے سے کابینہ ارکان سے تجاویز و آراء لی گئیں، جس میں آغا طالب حسین ہمدانی نے تجویز دیتے ہوئے کہا کہ حکومت کی طرف سے جو لسٹیں تیار کی جا رہی ہیں، اس میں سیاسی تعصب پایا گیا ہے، جس کی بھرپور مذمت کی جاتی ہے اور حکومت سے مطالبہ ہے کہ سیاسی تعصب کو بالا طاق رکھتے ہوئے ہر مستحق کو حکومتی امداد پہنچائی جائے، علاوہ ازیں ریاستی سیکرٹری جنرل علامہ سید تصور حسین نقوی نے کہا کہ موجودہ صورتحال میں ارکان مجلس اپنی سطح پر کردار ادا کریں، حکومت کے ساتھ بھرپور تعاون کریں، انہوں نے حکام سے مطالبہ کیا کہ اس مشکل وقت میں سیاسی تعصب اور اقرباء پروری کو بالائے طاق رکھ کر مستحق اور سفید پوش افراد کی امداد کی جائے۔

علاوہ ازیں علامہ تصور جوادی نے کہا کہ حکومت کے لیے بھی سخت امتحان ہے کہ حکومت اپنے شہریوں کے اعتماد کو کس طرح قائم رکھتی ہے، یہ وقت زلزلے سے بھی مشکل ترین وقت ہے، ان کا مزید کہنا تھا کہ جس طرح باقی صوبوں نے وفاق کے امدادی پیکج میں اپنا حصہ ڈالا، اس طرح ریاستی حکومت کی طرف سے اس طرح کوئی پالیسی دی جائے۔ نیز تاجر برادری جو اس لاک ڈاؤن سے شدید متاثر ہوئی ہے، اس کو بھی واضح پیکج دیا جائے۔ ان کا مزید کہنا تھا کہ مساجد اور مدارس دینیہ کی بندش، اجتماعات، محافل، مجالس کا انعقاد نہ ہونے کہ وجہ سے معاشرے کے ایک انتہائی اہم طبقہ علماء کرام جو معاشرے کے انتہائی اہم جزو شمار کیے جاتے ہیں اور ہر مشکل میں عوام کے شانہ بشانہ کھڑے ہوتے ہیں، ان کے لیے بھی حکومت خصوصی پیکج کا اعلان کرے۔

وحدت نیوز (مظفرآباد) مجلس وحدت مسلمین آزاد کشمیرکی جانب سے پی پی آزاد کشمیر کے نو منتخب صدرچوہدری لطیف اکبر صاحب، سینئر نائب صدرچوہدری پرویز اشرف،  جنرل سیکرٹری فیصل راٹھور، سیکرٹری اطلاعات سردار جاوید ایوب، ڈپٹی سیکرٹری اطلاعات شاہین کوثرڈار ، صدرپیپلز یوتھ آرگنائزیشن ضیاء القمراور چیئر پرسن شعبہ خواتین آزاد کشمیر فرزانہ یعقوب کو دل کی اتھا گہرایوںسے مبارکباد پیش کرتے ہیں۔آزاد کشمیر میں پیپلز پارٹی کی نئی کابینہ سازی نیک شگون ہے۔نو منتحب صدر چوہدری لطیف اکبر صاحب کی پیپلز پارٹی کیلئے لازوال خدمات ہیںجو کسی بھی تعارف کی محتاج نہیں اور پر امید ہیں کہ وہ آئندہ بھی ریاست کے غیور عوام کی خدمت بھرپور انداز سے کرتے رہیں گئے۔ان خیالات کا اظہار سیکرٹری سیاسیات مجلس وحدت مسلمین آزاد کشمیر سید محسن رضا نے ریاستی دفتر سے جاری بیان میں کیا انہوں نے کہا ہم چوہدری لطیف اکبر کو دلی مبارکباد پیش کرتے ہوئے اس بات کی امید رکھتے ہیں کہ وہ ریاستی مسائل کے بھرپور آواز بلند کریں گے، ریاست کے مسائل سے واقف ہیں ، بہترین اپوزیشن کا کردار ادا کریں گے۔

وحدت نیوز(مظفرآباد) مرحوم میجر (ر) سید بشیر حسین کاظمی کی خدمات تا دیر یاد رکھی جائیں گی ۔ مرحوم بلند پایہ شخصیت ، انسانیت کی خدمت پر یقین رکھتے تھے۔ سیاسی ، مذہبی اور عسکری خدمات کو کبھی نہیں بھلایا جا سکتا ۔ موصوف کی وفات کسی سانحہ سے کم نہیں ۔ ان خیالات کا اظہار مجلس وحدت مسلمین آزاد جموں وکشمیر کے مرکزی رہنماؤں علامہ سید تصور حسین نقوی ، سید عبادت علی کاظمی ، سید طالب حسین ہمدانی ، عابد علی قریشی ، سید حمید حسین نقوی ، سید محسن رضا سبزواری ، سید عمران حیدر ، سید حسین سبزواری، سید زاہد حسین کاظمی ، سید مجاہد کاظمی ، سید افتخار حسین کاظمی ، سید فضائل نقوی ، سید طاہر حسین گردیزی ، سید طاہر بخاری ، سید ناظر عباس و دیگر نے اپنے تعزیتی بیان میں کیا ، انہوں نے کہا کہ سید بشیر حسین کاظمی درر دل رکھنے والے انسان تھے ، وطن کی خاطر مر مٹنے کا جذبہ کوٹ کوٹ کر بھرا تھا، تمغہ بسالت ان کی بہادری کا منہ بولتا ثبوت ہے۔عسکری خدمات کے بعد آپ نے سیاسی و مذہبی خدمات بھی بطریق احسن انجام دیں ،مرکزی انجمن جعفریہ مظفرآباد کے دو مرتبہ صدر منتخب ہو کر عزادری اور عزاداروں کی خدمت میں پیش پیش رہے ۔ بشیر کاظمی کی اچانک وفات سے ہر دل غمزدہ ہے ۔ آپ اہلیان مظفرآباد کی ہر دلعزیز شخصیت تھے۔ دعا گو ہیں کہ خدا وند مرحوم کے درجات کو بلند فرمائے اور پسماندگان کو صبر جمیل عنایت فرمائے ۔

وحدت نیوز(مظفرآباد) زلزلہ کو 9سال کے بعد بھی گورنمنٹ بوائز ہائی سکول میانی بانڈی کی عمارت تعمیر نہ ہوسکی ۔سردی کا موسم بھی شیلٹرز اور ٹینٹ میں گزرا اور اب شدید گرمی کے عالم میں طلبہ کسمپرسی کی حالت میں تعلیم حاصل کرنے پر مجبور۔وزیراطلاعات سید بازل علی نقوی نے بھی اپنی ابتدائی تعلیم اسی سکول سے حاصل کی ۔ متعدد بار حکام بالا کو تحریک کرنے کے باجود حکام بالا کے کان پر جوں تک نہ رینگی۔عوام علاقہ کئی بار احتجاج کر چکے مگر انکی اس استدعاکو کوئی بھی سننے کو تیا ر نہیں۔ان خیالات کا اظہار مجلس وحدت مسلمین آزادکشمیر کے سیکرٹری ویلفیئر سید محسن رضا سبزواری ایڈوکیٹ، سید تصور عباس ایڈوکیٹ،چوہدری محمد سخی ،سید حیدر علی اور دیگر نے صحافیوں سے گفتگو کرتے ہوئے کیا انہوں نے کہا ٹیکنالوجی اس صدی میں جہاں دنیا علم و تحقیق کی بلندیوں کو پہنچ چکی ہے اور گورنمنٹ بوائز ہائی سکول میانی بانڈی کے طلباء موسمی حالات برداشت کرتے ہوئے ٹینٹ میں تعلیم حاصل کرنے پر مجبورہیں۔ گورنمنٹ بوائز ہائی سکول میانی بانڈی ملحقہ یونین کونسل ہا کا واحد و قدیمی تعلیمی ادارہ ہے اور میٹرک کے امتحانات کا سینٹر بھی اس تعلیمی ادارے میں ہے۔ اہلیان علاقہ کے اس درینہ مطالبے کو فوری طور پر پورو کیا جائے۔ انہوں نے صدر ریاست سردار یعقوب خان، وزیراعظم چوہدری عبدالمجید، وزیر تعلیم میاں عبدالوحید، وزیر اطلاعات سید بازل علی نقوی سمیت حکام بالا سے مطالبہ کرتے ہیں کہ فوری طور پر گورنمنٹ بوائز ہائی سکول میانی بانڈی کی عمارت کی تعمیرکا اعلان کیا جائے۔ وگرنہ عوام علاقہ وزیر اعظم سیکرٹریٹ کے باہر احتجاجی دھرنا دیا جائے اور دھرنا اس وقت تک ختم نہ ہو گا جب تک گورنمنٹ بوائز ہائی سکول میانی بانڈی کی عمارت کی تعمیر کا سنگ بنیاد نہ رکھ دیاجائے۔