وحدت نیوز (میرپور) مجلس وحدت مسلمین ضلع میرپور کے زیر اہتمام پیام ولایت کانفرنس و ضلعی تنظیمی نوکنونشن کشمیر پریس کلب میرپور میں منعقد ہوا۔ تقریب کے مہمان خصوصی علامہ ابوذر مہدوی مرکزی سیکرٹری جنرل شعبہ خواتین تھے۔ تقریب کی صدارت علامہ سید تصور حسین جوادی نے کی۔ جس میں مجلس وحدت مسلمین ضلع میرپور کی کثیر تعداد نے شرکت کی۔ ممبران کی کثرت رائے سے مجلس وحدت مسلمین ضلع میرپور کے سیکرٹری جنرل کے لیے سید محمد رضا بخاری کو منتخب کیا گیا۔ باقی عہدیداران میں ڈپٹی سیکرٹری جنرل سید تصور حسین کاظمی، سیکرٹری روابط سید مشتاق کاظمی، سیکرٹری سیاسیات سید نوازش عباس، سیکرٹری تعلیم سید قمر عباس کاظمی، سیکرٹری تبلیغات راجہ اسد کیانی، سیکرٹری مالیات سید منظور عباس، سیکرٹر نشرواشاعت سید کونین حیدر، سیکرٹری اطلاعات و میڈیا سیل سید ناظر عباس، سیکرٹری شماریات سید نصر رضوی شامل ہیں۔ صدر تقریب سید تصور حسین جوادی سیکرٹری جنرل مجلس وحدت مسلمین آزاد کشمیر نے نو منتخب سیکرٹری جنرل مجلس وحدت مسلمین ضلع میرپور سید محمد رضا بخاری سے حلف لیا ۔ بعدازاں نومنتخب سیکرٹری جنرل نے مجلس وحدت مسلمین ضلع میرپور کے دیگر عہدیداران سے حلف لیا۔