وحدت نیوز(اسلام آباد)سابق وزیر اعظم و چیئرمین پاکستان تحریک انصاف عمران خان نے پنجاب کے 20 حلقوں میں ہونے والے ضمنی انتخابات میں شاندار کامیابی پر پوری قوم کے ساتھ ساتھ اپنی اتحادی جماعت مجلس وحدت مسلمین، سنی اتحاد کونسل اور مسلم لیگ ق کا بھی خصوصی طورپر شکریہ ادا کیا ہے ۔

انتخابی نتائج کے اعلان کے بعد عمران خان نے اپنے ٹوئٹر پیغام میں کہا کہ سب سے پہلےمیں مسلم لیگ نواز کےامیدواروں ہی کو نہیں بلکہ پوری ریاستی مشینری خصوصاً پولیس کے جبر و ستم اور مکمل طور پر ایک متعصب الیکشن کمیشن کو شکست دینے پر پاکستان تحریک انصاف کے اپنے کارکنان اور پنجاب کے ووٹرز کا شکریہ ادا کرنا چاہتا ہوں۔

انہوں نے مزید کہا کہ میں اپنےتمام اتحادیوں مسلم لیگ ق،مجلسِ وحدت مسلمین اورسنی اتحاد کونسل کابھی شکرگزارہوں۔یہاں سےآگےکاواحد رستہ ایک ساکھ کےحامل الیکشن کمیشن کی زیرِنگرانی آزادانہ وشفاف انتخابات کاانعقادہے۔کوئی بھی دوسراراستہ محض سیاسی غیر یقینی میں اضافےاورمزیدمعاشی انتشارکیجانب لیکر جائےگا۔