وحدت نیوز(ملتان) مجلس وحدت مسلمین جنوبی پنجاب کے زیراہتمام ملتان کے مقامی ہوٹل میں عزاداری سید الشہداء کانفرنس کا انعقاد کیا گیا، کانفرنس میں مجلس وحدت مسلمین کے مرکزی و صوبائی قائدین نے شرکت کی۔ کانفرنس کی صدارت صوبائی صدر جنوبی پنجاب علامہ اقتدار حسین نقوی نے کی۔
کانفرنس میں مرکزی ڈپٹی جنرل سیکرٹری سلیم عباس صدیقی، مرکزی رہنما و آرگنائزر شمالی پنجاب ملک اقرار حسین، انجمن تحفظ عزاداری امام حسین علیہ السلام کے صدر خاور شفقت بھٹہ، بانی تعزیہ دار مخدوم حسن رضا مشہدی، مجلس علمائے شیعہ پاکستان جنوبی پنجاب کے صدر علامہ قاضی نادر حسین علوی، صوبائی سیکرٹری عزاداری سید دلاور عباس زیدی، صوبائی سیکرٹری سیاسیات سید وسیم عباس زیدی، ضلعی صدر مجلس وحدت مسلمین ضلع ملتان مولانا وسیم عباس معصومی، ڈپٹی جنرل سیکرٹری ملتان مرزا وجاہت علی، ضلعی سیکرٹری عزاداری انجینیئر مہر سخاوت علی سیال، سید نوید عباس بخاری، صوبائی سیکرٹری میڈیا سیل عاطف حسین سمیت دیگر نے شرکت کی۔
کانفرنس سے خطاب کرتے ہوئے رہنمائوں نے کہا کہ عزاداری سید الشہداء ہمیں جان سے بھی عزیز ہے، اس عزاداری نے ہمیں زندہ رکھا ہوا ہے۔ رہنمائوں نے پنجاب حکومت سے مطالبہ کیا کہ پنجاب میں عزاداروں پر بنائے گئے بے بنیاد مقدمات کو فوری ختم کیے جائیں، ماضی میں کرونا وبا کے باعث جو پابندیاں عائد کی گئیں یا جو ایس او پیز بنائی گئیں اُن پر نظرثانی کی جائے۔
