وحدت نیوز(آرٹیکل) پاکستان کے معروضی حالات میں مجلس وحدت مسلمین پاکستان نے شب وروز کوشش کرکے نہ صرف اپنی جگہ بنائی بلکہ اپنی طاقت کو بھی منوایا ہے کسی بھی شیعہ مذہبی سیاسی جماعت کی اب تک پاکستان میں ہونے والی سیاست سے زیادہ بڑھ چڑھ کر کردار ادا کیا اگر میں یہ بھی کہہ دو تو مبالغہ نہیں ہوگا کہ مجلس وحدت مسلمین نے جو مذہبی و سیاسی کردار اب تک پاکستان میں ادا کیا ہے اس سے پہلے کوئی مذہبی جماعت ادا نہیں کر سکی تھی۔
مجھے یاد ہے ابھی کل ہی کی بات ہےپاکستان کے گلی کوچوں میں ملت جعفریہ کا خون بہایا جارہا تھا ہر طرف وطن عزیز میں کافر کافر شیعہ کافر کا نعرہ بلند کیا جا رہا تھا ستم ظریفی تو یہ ہے کہ شیعوں سے کہا جا رہا تھا یا مسلمان ہو جاؤ یا جزیہ دو یا پاکستان چھوڑ دو۔
افسوس کی بات تھی کہ ان دہشت گرد اور تکفیری گروہوں کے سامنے ریاست بے بس نظر آ رہی تھی اور یہ بھی حقیقت ہے کہ ملت جعفریہ کے افراد نقل مکانی کر رہے تھےعزاداری پر حملے ہو رہے تھے ایک ایک دھماکے میں سینکڑوں قربانیوں کے باوجود ٹارگٹ کلنگ کا سلسلہ بھی جاری تھا مجھے نہیں یاد پاکستان کا کوئی علاقہ اس دہشت گردی سے محفوظ رہاہو پارہ چنار کا محاصرہ ان پر عرصہ حیات تنگ کیے ہوئے تھا بے بسی کا یہ عالم تھا کہ حکومت آل پارٹیز کانفرنس بلاتی ہے کہ طالبان سے مذاکرات کیے جائیں لیکن طالبان کے ظلم کا سب سے زیادہ شکار ہونے والی ملت جعفریہ کو اس میٹنگ میں نمائندگی نہ دی گئی یعنی تکفیری گروہ اس حد تک منظم ہو چکے تھے اور دہشتگردی سرعام تھی اور پاکستان میں اسلام آباد پر قبضہ کرنے کی تاریخیں دی جا رہی تھی ایسے پر آشوب حالات میں ایک مرد مجاہد د مثل مختار میدان میں آیا اور ملت جعفریہ کے حقوق کےتحفظ کا اعلان کیا اور عملی جدوجہد کا آغاز کیا آپ نے اعلان کیا کہ بلاتحقیق جو بھی علی ولی اللہ پڑھنے والا ھے ان کی جماعت مجلس وحدت مسلمین پاکستان کا حصہ ہے اس کے حقوق اور اس کا تحفظ ان کی ذمہ داری ہے۔
علامہ راجہ ناصر عباس جعفری اور ان کے رفقاء کے اخلاص کی وجہ سے ملت جعفریہ نے ان کی قیادت پر اعتماد کا اظہار کر دیا اور اس جدوجہد میں ان کا بھرپور ساتھ دینے کا اعلان کیا پھر ایسا ہوا کہ مجلس کی بہترین حکمت عملی کی وجہ سے نواب رئیسانی کی بلوچستان حکومت کو گھر جانا پڑا پاراچنار کا محاصرہ ختم کرنا پڑا شیعہ دشمنی پر مبنی نیٹ ورک کو ٹوٹناپڑا اور مختصر سی مدت میں دیوار سے لگی ہوئی ملت جعفریہ کو میدان میں لا کھڑا کیا اور ایک طاقتور قوم کا سفر شروع کیادیکھتے ہی دیکھتے مجلس وحدت مسلمین بام عروج پر پہنچ گئی سیاسی حکمت عملی میں بھی پیچھے نہ رہی بلو چستان حکومت ھو پنجاب ہو گلگت بلتستان ہو پا را چنار ہو ہر جگہ شاندار سیاسی کردار ادا کرکے اسمبلیوں تک رسائی حاصل کی اور ملت کے مسائل کو اسمبلیوں کے فلور پر پیش کیا۔
آپ نے ہمیشہ مظلوم کی بات کی اور کہا کہ ہم ہر مظلوم کے ساتھ ہیں اور ہر ظالم کے مخالف ہیں ہم پاکستانیوں کے ساتھ کسی قسم کی زیادتی نہیں ہونے دیں گے پاکستان میں اقلیتوں کو بھی تحفظ دیں گے اور ان کے حقوق کی بھی جدوجہد کرتے رہیں گے۔
ایسا رہبر ایسا قائد جس نے اپنے قول و فعل سے ثابت کردیا کہ وہ ہر عوامی مسائل میں ان کے ساتھ کھڑا ہے ایک مضبوط آواز نہ جھکنے والی نہ بکنے والی جدوجہد کی وہ لازوال داستان جو ایک مضمون میں مکمل نہیں کی جا سکتی آج جب سنا کہ آئندہ تین سال کے لیے دوبارہ سر براہ مجلس وحدت مسلمین کی حیثیت سے منتخب کرلیا گیا ہے تو ایک لمحہ کے لئے ان کے گزشتہ ادوار نظر میں آ گئے اور میں سوچ رہا تھا کہ علامہ عارف حسین الحسینی کے بعد ملت جعفریہ کی حقیقی نمائندگی کس نے کی ہے تو وہ علامہ ناصر عباس جعفری صاحب ہیں۔
عزاداری کے تحفظ کی ڈھال بنا ہے تو راجہ ناصر عباس جعفری
مسنگ پرسنز کی بات ہو تو سب سے آگے ہیں راجہ ناصر عباس جعفری
قومی مسائل کی نشاندہی کرنی ہو تو راجہ ناصر عباس جعفری
قومی مسائل کی تشخیص بتانی ہو تو علامہ راجا ناصر عباس جعفری
انٹرنیشنل سطح پر مسلمانوں کے خلاف ہونے والی ہر سازش کو بے نقاب کرنا ہو تو راجہ ناصر عباس جعفری
حرمت رسول اللہ و آل محمد کا مسئلہ ہو تو سینہ سپر راجہ ناصر عباس جعفری
ملک دشمنوں کو بے نقاب کرنا حب الوطنی کا درس دینا مادر وطن کے ساتھ وفا کرنا سامراجی ایجنٹوں اور دشمن وطن قوتوں کو للکارنا حق کے ساتھ اور باطل کے مقابل کھڑے ہونا راجہ ناصر عباس جعفری ہی کا کام ہے
لیکن افسوس ملت جعفریہ آج بھی غفلت کا شکار ہے اور آج تک شہید حسینی کی شہادت پر کف افسوس ملنے والی قوم متبادل حسینی کا وہ حق ادا نہ کر سکی جو کرنا چاہیے تھا یقین رکھو راجہ ناصر عباس جعفری تمہاری جنگ لڑ رہا ہے تمہارے تحفظ کے لئے تمہارے حقوق کے لیے تمہاری خوشحالی اور ترقی کے لئے ان لمحوں کو غنیمت جانو اور راجہ ناصر عباس جعفری کا ہاتھ مضبوط کرو۔
عوامی بالادستی کی بات ہو تو آواز اٹھائے راجہ ناصر عباس جعفری
مظلوم کی حمایت اور ظالم کی مخالفت کا معاملہ ہو تو تو راجہ ناصر عباس جعفری
فلسطین کے مظلوموں کے حقوق کی بات کرے تو راجہ ناصر عباس جعفری
بحرین اور یمن کے مظلوموں کی آواز بنے تو راجہ ناصر عباس جعفری
پاکستان میں انصاف کی بالادستی کے لیے برسرپیکار راجہ ناصر عباس جعفری
بیروزگاری بھوک اور افلاس کے خاتمہ کی جدوجہد راجہ ناصر عباس جعفری
تکفیری ٹولوں کو بے نقاب کرے راجہ ناصر عباس جعفری
شیعہ سنی وحدت کی مضبوط آواز بلند کرنا،اگر دنیا میں سر اٹھا کر چلنا چاہتے ہوغیرت مندوں والی زندگی گزارنا چاہتے ہو بہادروں کی طرح اپنا ذکر چاہتے ہو تو اس جری شجا مثل مختار مقاومت کا ستون راجہ ناصر عباس جعفری کے پیچھے کھڑے ہو جاؤ۔
ملت کے اتحاد کا جتنا یہ خواہشمند ہے پاکستان میں کوئی نہیں ۔خدا آپ کا رتبہ سلامت رکھے قوم کی عزت صحت اور طاقت میں اضافہ ہوگا تو ملت کے بزرگوں بچوں کی عزت میں اضافہ ہوگا اے قائدوحدت ھم تیرے ساتھ ہیں کندھے سے کندھا ملا کر اور تیری آواز پر لبیک کہتے ہیں اور آپ کی درازی عمر کی دعا کرتے ہیں۔
تحریر: ڈاکٹر سید افتخار حسین نقوی (فیصل آباد)
