وحدت نیوز(اصفہان) مجلس وحدت مسلمین شعبہ اصفہان کے زیر اہتمام بانی پاکستان قائد اعظم محمد علی جناح ؒکے 143ویں یوم ولادت پر "قائد و اقبال کا پاکستان" کے عنوان سے سیمینار کا انعقاد کیا گیا، سیمینار سے ایم ڈبلیوایم پاکستان کے مرکزی سیکرٹری امور خارجہ حجةالاسلام ڈاکٹر علامہ شفقت حسین شیرازی نے خصوصی خطاب کیااور بابائے قوم کو شاندار الفاظ میں خراج تحسین پیش کیا،سیمینار میںحاضرین کو قائد اعظم کی زندگی پہ مبنی ڈاکومنٹری بھی دکھائی گئی،معزز مہمانان گرامی نے قائد اعظم کے یوم پیدائش کی مناسبت سے کیک بھی کاٹا،سیمینار میں قائد وحدت علامہ راجہ ناصرعباس جعفری حفط اللہ کا خصوصی ویڈیو پیغام بھی سنایا گیا،آخر میں مجلس وحدت مسلمین شعبہ اصفہان کے سیکرٹری جنرل مولانا تصور علی مہر نے شرکاء کا شکریہ ادا کیا،سیمینار میں طلاب و علماء نے کثیر تعداد میں شرکت کی،دعائے امام زمانہ عج سے پروگرام کا اختتام کیا گیا۔