وحدت نیوز (ملتان) مجلس وحدت مسلمین پاکستان کی مرکزی کابینہ کے رکن اور سیکریٹری تنظیم سازی یعقوب حسینی ، سیکریٹری یوتھ فضل عباس نقوی نے سیلاب متاثرہ علاقوں میں سیلاب زدگان کی امداد اور بحالی کے کاموں کا جائزہ لینے کےلئے جنوبی پنجاب کےسیلاب متاثرہ علاقوں کے دورے شروع کر دیئے ہیں ،گذشتہ رات مرکزی سیکریٹریٹ وحدت یوتھ پاکستان میں ایک ہنگامی اجلاس منعقد ہوا جس میں یعقوب حسینی ، فضل عباس نقوی سمیت علامہ حسن رضا ہمدانی ، علامہ اقتدار نقوی اور دیگر رہنما بھی موجود تھے، مرکزی رہنما وں نے اجلاس سے خطاب کرتے ہوئے کہا کہ سیلاب سے متاثرہ عوام کی بحالی ہمارافرض اولین ہے، خیر العمل فاونڈیشن اور وحدت اسکاوٹس مشترکہ طور پر سیلاب متاثرین کو امدا د کی فراہمی کا کام تیزی سے جاری رکھیں گےاور جلد سیلاب سے ہونے والی تباہ کا ریوں پر جامع جائزہ رپورٹ تشکیل دے کر سیلاب زدگان کی مکمل بحالی تک ریلیف آپریشن جاری رکھا جائے گا، یعقوب حسینی کا کہنا تھا کہ سیلاب کی تباہ کاریاں پوری ملت پاکستان کا سنگین امتحان ہے، جس سے نپٹنے کے لئے ہمیں منظم جدوجہد کرنی ہوگی ، اس کے ساتھ ساتھ انہوں نے تنظیمی ڈھانچے کی مظبوطی کے حوالے سے بھی ہدایات جاری کیں ، جبکہ ایم ڈبلیوایم ضلع ملتان کی کابینہ کا مشترکہ اجلاس بھی طلب کر لیا گیا ہے۔