وحدت نیوز(اسلام آباد) مجلس وحدت مسلمین کے سالانہ تنظیمی کنونشن سے خطاب کرتے ہوِئے مجلس وحدت مسلمین پاکستان کے سیکریٹری تبلیغات علامہ اعجاز حسین بہشتی کا کہنا تھا کہ انقلاب مہدویت اور عالمی نظام عدالت کے قیام میں یمن کے مسلمانوں کا کردار احادیث و روایت میں واضح ہے اور متعدد روایت میں یہ بات آئی ہے کہ امام زمانہ کے ظہور اور ان کے انقلاب میں یمن کا خاص کردار ہوگا۔یمن کی تاریخ کے حوالے سے گفتگو کرتے ہوکہنا تھا، اویس قرنی جیسی عظیم صحابی رسول جو بعد میں امیر المومنین کی رکاب میں شہید ہوئے ان کا تعلق بھی یمن سے تھا۔ یمن اسلام کی تاریخ میں ہمیشہ سے اسلامی سربراہان اور انقلابیوں کا مرکز رہا ہے۔
امیر المومنین علی ابی طالب ع کی یمن میں آمد اور پیام رسول اللہ ص پہنچانے کے بعد پورے یمن نے علی کے ہاتھ میں بیعت کی اور اسلالم کے دائرے میں داخل ہوئے۔علامہ اعجاز کا مزید کہنا تھا کہ آج یمن کے مظلم اور غریب عوام اپنے جائز اور انسانی حقوق کے لئے جدوجہد کر رہے تھے کہ سعودی اور اس کے اتحادیوں نے بین الاقوامی قانون کی خلاف ورزی کرتے ہو ئے نہتے اور معصوم عوام کا قتل عام کیا۔ اس صورت حال میں حکومت پاکستان کو چاہئے کہ وہ سعوی مظالم میں شامل ہونے کے بجائے ثالثی کا کردار ادا کری۔
