وحدت نیوز(پشاور) امامیہ اسٹوڈنٹس آرگنائزیشن پشاور ڈویژن اور مجلس وحدت مسلمین پشاور کے زیر اہتمام پشاور پریس کلب کے سامنے گستاخِ اہلبیتؑ سلطان گل کے خلاف احتجاج کیا گیا۔ اس موقع پر مظاہرین نے پلے کارڈز اٹھا رکھے تھے، جن پر گستاخ آل رسول اللہ صلی اللہ علیہ وسلم کے خلاف نعرے درج تھے۔
مقررین کا کہنا تھا کہ پاراچنار ایک حساس علاقہ ہے، ایسے علاقہ میں سلطان گل جیسے ملعون نے مسلمانوں کی دل آزادی کی، حکومت وقت کو چاہئے کہ سلطان گل کو گرفتار کرکے قرار واقعی سزاء دی جائے۔ اگر سلطان گل کو گرفتار نہ کیا گیا تو امن کی تمام تر ذمہ داری حکومت پر ہوگی۔
اس موقع پر خطاب کرتے ہوئے مجلس وحدت مسلمین کے رہنماء علامہ سید عالم شاہ کا کہنا تھا ملعون سلطان گل کی گرفتار تک احتجاج کا سلسلہ جاری رہے گا، احتجاجی مظاہرے سے امامیہ جرگہ کے رہنما مظفر علی آخونزادہ، عنایت طوری اور اہلسنت پاراچنار کے نمائندہ عبد الحالق پٹھان نے بھی خطاب کیا۔
