وحدت نیوز(پاراچنار) قومی اسمبلی کی نشست این اے 37 کرم ایجنسی سے مجلس وحدت مسلمین کے امیدوار حمید حسین کامیاب ہوگئے۔ الیکشن کمیشن آف پاکستان کی جانب سے جاری کردہ حتمی نتائج کے مطابق تحریک انصاف کے حمایت یافتہ ایم ڈبلیو ایم امیدوار انجینئر حمید حسین نے 58650 ووٹ حاصل کئے جبکہ پاکستان پیپلز پارٹی پارلیمینٹرینز کے ساجد حسین طوری 54384 ووٹ حاصل کرکے دوسرے نمبر پر رہے جبکہ جمعیت علمائے اسلام پاکستان کے مولوی عصمت اللہ نے 23815 ووٹ حاصل کئے۔

 حمید حسین کی کامیابی کی سب سے خاص بات یہ ہے کہ صدہ کےاہل سنت اکثریتی علاقے سے ایک شیعہ امیدوار کو ہزاروں ووٹ ملے ہیں، جو کہ علاقے کے امن و امان کیلئے نہایت نیک شگون اور امن دشمنوں کے منہ پر تماشہ ہے۔