وحدت نیوز(کوئٹہ) متنازع فوجداری ترمیمی بل جو قومی اسمبلی میں پاس کیا گیا ھے مجلس وحدت مسلمین بلوچستان اس بل کو سختی سے مسترد کرتے ھیں ،ان خیالات کا اظھار علامہ سید ظفر عباس شمسی صدر مجلس وحدت مسلمین بلوچستان نے اپنے ایک بیان میں کیا ۔ انھوں نے کہا کہ یہ فرقہ وارانہ بل ہے ہم اس بل کی قانون سازی کی اجازت نہیں دیں گے ۔ اس بل کی وجہ سے ملکی ھم آھنگی اور رواداری کو نقصان پہنچے گا ۔ یہی لوگ جنہوں نے یہ بل پیش کیا ہے، ملک کے اندر بین المسالک انتشار پھیلائیں گے ۔ جس طرح ان ھی لوگوں نے ملک میں کافر کافر شیعہ کافر کے نعرے لگائے تھے اب پھر صحابہ کی توھین کے نعرے لگا کر شیعان علی بن ابی طالب کو ٹارگٹ کریں گے یا پھر ان پر توھین صحابہ کے نا جائز مقدمات میں پھنسانے کی کوشش کریں گے ۔
علامہ سید ظفر عباس شمسی نے کہا اس متعصبانہ اور فرقہ وارانہ سوچ پر مبنی بل کو ھم یکسر مسترد کرتے ھیں ۔ انھوں نے کہا کہ اراکین قومی اسمبلی نے کس قدر غفلت کا مظاھرہ کرتے ھوئے اس فرقہ وارانہ اور دھشتگردانہ بل کو منظور کیا ھے جو کہ نا قابل قبول ھے مجلس وحدت مسلمین بلوچستان اس بل کی منظوری پر سخت ترین مذمت کرتی ہے ۔
