وحدت نیوز(اسلام آباد) مجلس وحدت مسلمین پاکستان کے فلاحی ادارے المجلس ڈیزاسٹر مینجمنٹ سیل نے ملک کے مختلف اضلاع میں قربانی برائے مستحقین کا اہتمام کیا۔ کراچی، لاہور، اسلام آباد، کوئٹہ، پشاور سمیت ، جنوبی پنجاب ، آزاد جموں وکشمیر اور گلگت بلتستان میں بھی قربانی کے جانور ذبح کرکے ان کا گوشت ہزاروں ضرورت مند گھرانوں میں تقسیم کیا گیا۔
اے ڈی ایم سی کے مرکزی آفس سے جاری بیان کے مطابق کراچی میں گائے اور بکروں کی قربانی کی گئی جبکہ لاہور، اسلام آباد ، کوئٹہ، پشاور ، سکردو، گلگت، شور کوٹ، ڈیرہ غازی خان، رحیم یار خان، سانگھڑ، نواب شاہ، گھوٹگی، شکارپور، لاڑکانہ، میرپور خاص، تھرپارکر، ٹنڈو محمد خان، کشمور، جیکب آباد، حیدرآباد،جامشورو، بدین، ماتلی،ٹنڈو الہیار،،دادو، جعفرآباد، نصیر آباد سمیت دیگر اضلاع میں بکروں اور دنبوں کی قربانی کی گئی ۔
اجتماعی قربانی برائے مستحقین کی مدمیں حاصل شدہ ہزاروں ٹن گوشت ضرورت مند گھرانوں میں تقسیم کیا گیا اور سنت ابراہیمی کی ادائیگی کی اصل روح کو برقرار رکھا گیا۔
