وحدت نیوز(ملتان)مجلس وحدت مسلمین عزاداری ونگ ضلع ملتان کا اجلاس ضلعی صدر سید ظفر عباس زیدی کی زیرصدارت جامعہ شہید مطہری ملتان میں منعقد ہوا، اجلاس میں صوبائی صدر عزاداری ونگ انجینئر سخاوت علی سیال، جنرل سیکرٹری عون رضا انجم ایڈووکیٹ، مرزا وجاہت علی نے خصوصی شرکت کی۔
اجلاس میں ضلع بھر کے عہدیداروں نے شرکت کی جن میں ایڈووکیٹ سید شہنشاہ حسین نقوی، ایڈووکیٹ خادم حسین بخاری، سید عمران بخاری، سید غدیر شیرازی، علی محمد سبطین، ملک عمران حیدر اور دیگر موجود تھے۔
اجلاس میں ایام فاطمیہ کے حوالے سے اُمور طے کیے گئے، ایام فاطمیہ میں عزاداری کی مجالس کو حتمی شکل دی گئی، تحصیل ملتان، تحصیل شجاع آباد،تحصیل جلالپور پیروالا، ضلع ملتان کے زیراہتمام الگ الگ مجالس کا اعلان کیا گیا۔
