وحدت نیوز (لاہور) مجلس وحدت مسلمین کے زیر اہتمام حلقہ این اے 120 اسلام پورہ حیدر روڈ پر پاکستان تحریک انصاف کی امیدوار ڈاکٹر یاسمین راشد کے حق میں جلسہ منعقد کیا گیا،انتخابی جلسے میں بڑی تعداد میں حلقہ این اے 120 کے ووٹرز کارکنان نے شرکت کی ،جلسہ میں سنی اتحاد کونسل کے کارکنا ن بھی شریک ہوئے،انتخابی مہم کے سلسلے میں مجلس وحدت مسلمین کے جلسے سے مجلس وحدت مسلمین کے مرکزی سیکرٹری سیاسیات سید اسد عباس نقوی،سیکرٹری جنرل پنجاب علامہ مبارک موسوی،علامہ حسن ہمدانی،سید حسن رضا نقوی،سید حسن کاظمی،سید حسین زیدی،آغا نقی مہدی،رائے ناصر علی،رانا ماجد علی،خرم زیدی،سنی اتحاد کونسل کے چئیرمین صاحبزادہ حامد رضا،پاکستان تحریک انصاف کے رہنماوں چوہدری سرور،اعجاز چوہدری،عبدالعلیم خان،این اے 120 کی امیدوار ڈاکٹر یاسمین راشد نے شرکت کی۔ جلسے سے خطاب کرتے ہوئے سید اسد عباس نقوی نے کہا کہ انشااللہ ن لیگ کو سترہ ستمبر کو عدلیہ کے بعد قوم بھی مسترد کریگی،نواز شریف اور اس کے خاندان نے عوام کو غربت مہنگائی اور بے راوز گاری کے سوا کچھ نہیں دیا،آل شریف کا سیاسی دور ختم ہوچکا،انشااللہ حلقہ این اے 120 کے محب وطن عوام نے سترہ تاریخ کو فیصلہ کرنا ہے کہ وہ پاکستان میں انصاف اور دختر پاکستان کو منتخب کرنا ہے یا مودی کے یاروں کو خوش کرنا ہے،یقیناََ زندہ دلان لاہور قومی لٹیروں اور مودی کے یاروں کو مسترد کرینگے،اور نیا پاکستان کی بنیاد رکھنے میں اپنا کردار ادا کریں گے۔ علامہ مبارک موسوی نے کہا کہ ن لیگ کی شکست نوشتہ دیوار ہے،آج تعجب ہے کہ ان کو زائرین بھی یاد آرہے ہیں اور عزادار بھی،ہمیں سانحہ راجہ بازار یاد ہے،اور اس میں ن لیگی وزراء کے کردار سے بھی واقف ہیں،ملت جعفریہ اپنے سیاسی حقوق کے لئے میدان میں اتر چکی ہے،ہم انشااللہ ن لیگ کے ظلم ستم کا صلہ این اے 120 اور 2018 کے الیکشن میں سود سمیت چکا دینگے،اس موقع پر پی ٹی آئی کے رہنماوں نے مجلس وحدت مسلمین کا شکریہ ادا کرتے ہوئے کہا کہ کرپشن دہشتگردی اور انتہا پسندی کیخلاف ملکی ترقی کی سفر میں پی ٹی آئی اور ایم ڈبلیوایم ہمیشہ ساتھ رہے گی۔
وحدت نیوز (لاہور) حلقہ این اے 120 پاکستان تحریک انصاف کی حمایت یافتہ امیدوار ڈاکٹر یاسمین راشد کی حمایت میں مجلس وحدت مسلمین کا اسلام پورہ جلسے کا اعلان، اس سلسلے میں مجلس وحدت مسلمین لاہور کی جانب سے پاکستان تحریک انصاف کے قائدین و کارکنان کو دعوت دینے کا سلسلہ جاری، وحدت یوتھ لاہور کے جوانوں اور کرشن نگر کے عمائدین کی یو سی 59 کی کو آرڈینیٹر و امیدوار صوبائی اسمبلی پی پی 175 مسز مسعود بھٹی سے انکے الیکشن آفس میں ملاقات اور جلسے میں شرکت کی دعوت جبکہ مسز مسعود احمد بھٹی نے کارکنان کے ہمراہ بھرپور شرکت کی یقین دہانی کروائی اور مجلس وحدت مسلمین کی کاوشوں کو سراہتے ہوئے کہا کہ مجلس وحدت مسلمین حلقہ 120 کی ضمنی انتخابات کی کمپین میں ہمارے شانہ بشانہ کھڑی ہے، ملاقات میں پی ٹی آئی کے رہنما شہزاد باوا اور مجلس وحدت مسلمین کے ضلعی یوتھ سیکرٹری برادر سجاد نقوی، سیکریٹری داتا گنج بخش ٹاؤن خرم زیدی، سید حسن رضا نقوی، برادر زین نقوی، برادر اخلاق جعفری و دیگر کارکنان شریک تھے۔
وحت نیوز (لاہور) حلقہ این اے 120 کے یو سی 59 اسلام پورہ میں انتخابی دفتر کا افتتاح سیکرٹری جنرل پنجاب علامہ مبارک موسوی پی ٹی آئی کے رہنما عبدالعلیم خان نے کی افتتاحی تقریب میں کارکنان اور اہل علاقہ یو سی 59 کے عمائدین نے بڑی تعداد میں شرکت کی۔ علامہ مبارک موسوی نے الیکشن کمپئن آفس کے افتتاحی تقریب سے خطاب کرتے ہو ئے کہا کہ ظالم اور جابر حکمرانوں کیخلاف قیام اور کرپش کیخلاف جدوجہد ہمارے منشور کا حصہ ہے ن لیگ نے عوام کو مایوسی کے علاوہ کچھ نہیں دیا این اے 120 میں عوام کی حالت زار تخت لاہور کے ماتھے پر کلنک کا ٹیکہ ہے،سرکاری وسائل کا ضمنی الیکشن میں بے دریغ استعمال کا الیکشن کمیشن کو نوٹس لینا چاہیئے،پی ٹی وی ن لیگ کا میڈیا سیل کا کردار ادا کرنا چھوڑ کر عوام کو حقائق سے آگاہ کریں حلقے میں الیکشن مہم کے دوران ترقیاتی پروجیکٹس شروع کرنا الیکشن کمیشن کے رٹ کو چیلینج کرنا ہے،دھاندلی کے ذریعے الیکشن ھائی جیک کرنے والے سن لیں اس الیکشن میں ہم بے ضابطگیوں کے سامنے دیوار بنیں گے،شفاف الیکشن کے لئے ضروری ہے کہ ووٹنگ کے عمل کی نگرانی پاک فوج کرے۔انہوں نے اعلان کیا کہ بروز جمعہ حیدر روڈ اسلام پورہ پر عظیم الشان جلسہ ہوگا جس میں حلقہ این اے 120 کے کارکنان شریک ہونگے،انشااللہ این اے 120 میں عوام کی جیت ہوگی اور پانامہ زدگان کو ایک دفعہ پھر رسوائی کا سامنا ہو گا۔
وحدت نیوز (لاہور) مجلس وحدت مسلمین ضلع لاہور کا حلقہ این اے 120 میں انتخابی مہم کے لئے جنرل کونسل کا ہنگامی اجلاس،اجلاس کی صدارت مرکزی سیکرٹری سیاسیات سید اسد عباس نقوی نے کی،اجلاس میں حلقہ 120 میں پاکستان تحریک انصاف کی امیدوار ڈاکٹر یاسمین راشد کی حمایت میں ڈور ٹو ڈور انتخابی مہم چلانے کا اعلان،اجلاس سے خطاب کرتے ہوئے مرکزی سیکرٹری سیاسیات سید اسد عباس نقوی نے کہا کہ کرپٹ مافیا اور مورثی سیاست کیخلاف تاریخی انتخابی مہم چلائیں گے،ن لیگ نے ہمیشہ ملت جعفریہ کو دیوار سے لگانے کی کوشش کی، نیشنل ایکشن پلان کے نام پر پنجاب بھر میں ملت تشیع کو ہراساں کرنے کا سلسلہ جاری ہے،ہمارے درجنوں علماء،اور پڑھے لکھے نوجوان اب بھی پنجاب میں غائب ہیں،ہمارے علماء اور نوجوانوں کی گمشدگی میں پنجاب حکومت برابر کے شریک ہیں،ایم ڈبلیوایم کے کارکنان خلوص نیت سے ڈاکٹر یاسمین راشد کے انتخابی مہم میں بھر پور حصہ لیں،انشااللہ این اے 120 سے کرپٹ مافیا اور مورثی سیاست کو شکست دینگے،این اے 120 سے تعلق رکھنے والے عمائدین نے مجلس وحدت مسلمین کے اعلان کے بعد اس امر کی یقین دہانی کی ہے کہ وہ پاکستان تحریک انصاف کی امیدوار کی کامیابی کے لئے کلیدی کردار ادا کرینگے،مجلس وحدت مسلمین اسلام پورہ یونٹ آج اسلام پورہ میں انتخابی دفترکا بھی افتتاح کریگی،حلقہ بھر میں کارنر میٹنگز اور ڈور ٹو ڈور رابطہ مہم کے لئے مردوں کیساتھ ساتھ مجلس وحدت مسلمین شعبہ خواتین بھی بھرپور کردار ادا کریگی۔
وحدت نیوز (لاہور) پاکستان تحریک انصاف کے مرکزی وفد نے عمران خان کی قیادت میں مجلس وحدت مسلمین کے وفد سے ایم ڈبلیو ایم کے صوبائی سیکرٹیریٹ شادمان لاہورمیں ملاقات کی،ملاقات میں این اے120 میں ہونے والے ضمنی الیکشن سے متعلق باہمی امور پر بات چیت کی گئی. ایم ڈبلیو کے وفد نے ڈیپٹی سیکرٹری جنرل احمد اقبال رضوی کی قیادت میں این اے 120 کے ضمنی الیکشن میں پاکستان تحریک انصاف کا بھرپور ساتھ دینے کا اعلان کیا. ملاقات میں این اے 120 کی امیدوار یاسمین راشد شفقت محمود،علیم خان ،عندلیب عباس،سیدناصر شیرازی علامہ مبارک علی موسوی,سیداسد عباس نقوی اور دیگر رہنماؤں نے شرکت کی،ملاقات کے بعد دونوں سیاسی جماعتوں کے رہنماؤں نے مشترکہ پریس کانفرنس کی،جس میں آغا احمد اقبال رضوی نے این اے 120 کے ضمنی الیکشن میں پی ٹی آئی کی امیدوار ڈاکٹر یاسمین راشد کی بھرپور حمایت کا اعلا ن کیا. آغا احمد اقبال رضوی نے کہا کہ پاکستان تحریک انصاف نے کرپشن کے خلاف بہت زیادہ جدو جہد کی ہے جو کہ قابل تعریف ہے اور ایم ڈبلیو ایم اس الیکشن کیمپین میں ڈاکٹر یاسمین راشد اور پی ٹی آئی کی بھرپور حمایت کا اعلان کرتی ہے. پریس کانفرنس میں پی ٹی آئی کے چئیرمین عمران خان نے مجلس وحدت مسلمین کے فیصلے کو سراہتے ہوئے کہا کہ ہم مجلس وحدت مسلمین کے انتہائی مشکور ہیں اور امید کرتے ہیں کہ آئندہ قومی امور پر بھی باہمی تعاون کے ساتھ مل جل کر کام کریں گے۔
