وحدت نیوز(خیرپور)مجلس وحدت مسلمین پاکستان سندھ کے صدر علامہ باقرعباس زیدی دو روزہ دورہ کے لئے اندرون سندھ پہنچ گئے، دورہ کے آغاز پر علامہ باقر زیدی نے ھالا کا دورہ کیا اور مقامی ذمہ داروں سے ملاقات کی، ملاقات میں علاقائی مسائل پر گفتگو کی گئی جبکہ چہلم امام حسین علیہ السلام کے بعد کی صورتحال پر خصوصی بریفنگ بھی لی، علامہ باقر زیدی دو روزہ دورہ کے دوسرے مرحلہ میں ضلع خیر پور پہنچ گئے۔
رانی پور میں تنظیمی ذمہ داروں سے اہم ملاقات کی جس میں خیرپور کی موجودہ صورتحال پر بریفنگ میں چہلم امام حسین علیہ السلام کے بعد انتظامیہ کی تعصبانہ کاروائیوں اور بے بنیاد مقدمات کے اندراج پر تفصیلات حاصل کیں، اجلاس میں مولانا نقی حیدری کی والدہ کے انتقال پر فاتحہ خوانی کی گئی اور دعائے مغفرت کی گئی، علامہ باقر زیدی کے ہمراہ صوبائی کابینہ کے اراکین میں سیکرٹری عزاداری ندیم جعفری ، سیکرٹری ایمپلائز ونگ فدا سولنگی ، سیکریٹری تبلیغات مولانا نقی حیدری و دیگر موجود ہیں۔
