وحدت نیوز(کراچی) جامع مسجد و امام بارگاہ حیدری اورنگی ٹاؤن نمبر دس میں امام خمینیؒ کی برسی کی مناسبت سے منعقدہ اجتماع سے خطاب کے دوران علامہ صادق جعفری نے کہا کہ مسلمان ذلت و رسوائی سے بچنے کیلئے امام خمینیؒ کے افکار و نظریات کی پیروی کریں لیکن آج مسلمان خصوصاً عرب دنیا کی سوچ اس کے برعکس نظر آتی ہے اور دین کے دشمن جنہوں نے اسلام کا لبادہ اوڑھ رکھا ہے اور امریکی اسلام پر عمل پیرا ہیں۔
ان کا کہنا تھا کہ اسلام میں کسی بھی قسم کی ایسی فکر کا کوئی وجود نہیں جس میں اسلامی تعلیمات سے تضاد ہو۔ انہوں نے نوجوانوں سے کہا کہ وہ نظام الٰہی کی پیروی کریں اور اسلام کے حقیقی اصولوں کو سمجھا جائے کیونکہ آج امریکہ اسرائیل کی جانب سے مسلم دنیا کے اندرونی معاملات میں مداخلت کا سلسلہ جاری ہے، جس کے خاتمے کیلئے ہمارے حکمرانوں کو جدوجہد کرنا ہوگی۔ اس موقع پر نوید قمر زیدی، افسر علی رضوی، شاہد حسین زیدی، ناصر حسین زیدی، ذاکر حسین سید، ضرغام حیدر، یاسین علی جعفری اور دیگر موجود تھے۔
