وحدت نیوز(کراچی) شہید راہ وحدت شہید صفدرعباس کی یاد میں مجلس وحدت مسلمین کراچی اور وحدت یوتھ کراچی ڈویژن کی جانب سے پہلا آل کراچی شہید صفدر عباس کلرکٹ کرکٹ ٹورنامنٹ نیورضویہ سوسائٹی گراونڈ میں منعقد کیا گیا، مجلس وحدت مسلمین پاکستان کے مرکزی ڈپٹی سیکریٹری جنرل علامہ شفقت حسین شیرازی نے ٹورنامنٹ میں مہمان خصوصی کی حیثیت سے شرکت کی، اس ٹورنامنٹ میں کراچی کے مختلف علاقوں سے تعلق رکھنے والی آٹھ ٹیموں نے حصہ لیا، جن میں وحدت یوتھ، سجادیہ اسپورٹس، حسینی فورس،امروہہ اسپورٹس، ریحان اسپورٹس، عباسیہ الیون ، رضویہ اسپورٹس اور انچولی الیون شامل تھیں ، ٹورنامنٹ کا آغاز شام7بجے کیا گیا جو کے صبح6بجے تک جاری رہا اس ٹورنامنٹ کے فائنل میچ میں سجادیہ اسپورٹس اور حسینی فورس کے درمیان سنسنی خیز مقابلہ دیکھنے میں آیا، اور بالآخر حسینی فورس پہلے شہید صفدر عباس کرکٹ ٹورنامنٹ کی فاتح قرار پائی، جیتنے والی ٹیم کو نقد چھ ہزار اور ہارنے والی ٹیم کو نقد چار ہزار روپئے انعام دیا گیا۔ اس کامیاب ٹورنامنٹ کے انعقاد میں مجلس وحدت مسلمین ضلع ملیر کے کارکنان نے انتھک محنت کی اور جوش و جذبے کا اظہار کیا۔