وحدت نیوز(ڈی آئی خان)مجلس وحدت مسلمین خیبر پختونخوا کے صدر علامہ جہانزیب علی جعفری نے علامہ سید وحید عباس کاظمی کے ہمراہ سیلاب سے متاثرہ ڈیرہ اسماعیل خان اور ٹانک کا دورہ کیا، اس موقع پر انہوں نے متاثرین سے ملاقاتیں کیں اور ہری پور ہزارہ کے عوام کی طرف بھیجا گیا سامان اور نقد رقوم تقسیم کیں۔
اس موقع پر انہوں نے سیلاب میں ہونے والے جانی اور مالی نقصانات پر افسوس کا اظہار کرتے ہوئے کہا کہ اس قدرتی آفت سے ناقابل تلافی نقصان ہوا ہے، تاہم پوری قوم اپنے سیلاب سے متاثرہ بہن بھائیوں کیساتھ کھڑی ہے اور انہیں ہرگز ہم تنہاء نہیں چھوڑیں گے۔
